பிக்பாஸ் ஜூலி படத்திற்கு தடை கோரும் அனிதாவின் தந்தை!

சென்னை மெரினா கடற்கரையில் ஜல்லிக்கட்டுக்காக நடந்த போராட்டத்தில் கலந்து கொண்டு போராடியவர் ஜூலி. அப்போது ஜூலி தமிழக மக்களின் மனதில் இடம் பிடித்தார்.

அதையடுத்து விஜய் டிவி நடத்திய பிக்பாஸ் நிகழ்ச்சியில் சீசன் 1ல் கலந்து கொண்டார். இந்த நிகழ்ச்சியின் மூலம் அவருக்கு அதிகம் புகழ் கிடைத்தது. ஆனால், பிக்பாஸ் வீட்டில் ஓவியாவிடம் அவர் நடந்து கொண்ட விதம் அவரை பொதுமக்களிடம் வெறுப்படைய வைத்தது.

அதன் பிறகு அவர் சினிமாவில் நடிப்பதாக கூறப்பட்டது. இந்த நிலையில், நீட் தேர்வு காரணமாக மருத்துவ சீட் கிடைக்காமல் தற்கொலை செய்துகொண்ட அனிதாவின் கதையை பின்னணியாக வைத்து “டாக்டர் அனிதா எம்பிபிஎஸ்” என்ற தலைப்பில் அஜய்குமார் திரைப்படம் இயக்கி வருவதாக செய்தி வெளியானது. அந்தப் படத்தில் அனிதாவாக ஜூலி நடிக்கிறார்.

இதை அறிந்து, இந்தப் படத்திற்கு தடை கேட்டு அனிதாவின் அப்பா வழக்கு தொடர்ந்துள்ளார். “எனது மகள் தொடர்பான திரைப்படத்துக்கு நானோ எனது மகனோ எந்தவித அனுமதியும் வழங்கவில்லை. அதனால், அஜய்குமார் இயக்கும் திரைப்பட தயாரிப்புக்கு தடை விதிக்கவேண்டும். மேலும், இதனால் ஏற்பட்ட பாதிப்புகளுக்கு ரூ.25 லட்சம் வழங்கவேண்டும்“ என அவர் கூறியுள்ளார்.