கிசுகிசுக்காக பிரபாஸுடன் நடிக்க தயக்கம் காட்டும் அனுஷ்கா!

தன்னைப் பற்றி பிரபாஸுடன் இணைத்து கிசுகிசுக்கள் வருவதால் நடிகை அனுஷ்கா அவருடன் நடிக்க தயக்கம் காட்டி வருகிறார்.

‘பாகுபலி’ படத்தில் நடிகை அனுஷ்கா பிரபாஸுக்கு அம்மாவாகவும், ஜோடியாகவும் நடித்துள்ளார். ‘பாகுபலி 2’ படம் பிரம்மாண்ட வெற்றி பெற்றிருந்தாலும், அதை தாண்டி பிரபாஸ் & அனுஷ்கா காதல் விவகாரமும் அதிகமாகப் பேசப்பட்டு வருகிறது.

இது ஒரு புறம் இருக்க பிரபாஸ் & அனுஷ்கா இருவரும் தங்களது அடுத்த வேலையை பார்க்க சென்றுவிட்டனர். பிரபாஸ் தற்போது ‘சாஹோ’ என்ற படத்தில் நடிப்பதற்கு ஒப்பந்தமாகியுள்ளார். இந்த படத்திற்காக தனது லுக்கை முழுமையாக மாற்றியுள்ளார். இந்நிலையில் படத்திற்கு கதாநாயகியை தேர்வு செய்ய படக்குழு படாதபாடுபட்டு வருகிறது. பாலிவுட் நடிகைகள் சிலர் இந்த படத்தில் நடிக்க மறுத்தனர். ஆனால், பிரபாஸ் படத்தில் அனுஷ்காவையே தேர்வு செய்ய பரிந்துரை செய்தாராம். படக்குழுவும் பிரபாஸ் சொன்னதை கேட்டு அனுஷ்காவிடம் கால்ஷீட் கேட்டுள்ளனர். ஆனால், அனுஷ்கா இன்னும் இதற்கு எந்த பதிலும் அளிக்கவில்லை என தெரிகிறது.

காரணம், தன்னைப் பற்றி பிரபாஸுடன் இணைத்து நிறைய கிசுகிசுகள் வருவதால் படத்தில் நடிக்க சம்மதிப்பதில் நடிகை அனுஷ்கா தயக்கம் காட்டி வருகிறார் என்று கூறப்படுகிறது