சங்கராந்தியில் பாலகிருஷ்ணா, பவன் கல்யாணுடன் போட்டியிடும் அனுஷ்கா!

சங்கராந்தியில் நடிகர்கள் பாலகிருஷ்ணா, பவன் கல்யாண் நடித்த படங்களுடன், அனுஷ்கா நடித்த ‘பாக்மதி’ படமும் போட்டியிடவுள்ளன.

நடிகை அனுஷ்கா, ‘பாகுபலி-2’ பிரமாண்ட படத்திற்கு பிறகு நடித்துள்ள படம் ‘பாக்மதி’. இந்தப் படம் ஹாரர் காமெடி கதையில் உருவாகியுள்ளது. தற்போது இந்த படத்தின் படப்பிடிப்பு முடிந்து இறுதிகட்ட பணிகள் நடைபெற்று வருகிறது. படம் டிசம்பரில் வெளியாகவுள்ளதாக கூறப்பட்டு வந்தது. இந்நிலையில், இப்போது ஜனவரியில் சங்கராந்திக்கு வெளியாகவுள்ளது.

அடுத்த ஆண்டு சங்கராந்திக்கு பாலகிருஷ்ணா நடித்த ‘ஜெய்சிம்ஹா’ படமும், பவன் கல்யாண் நடித்த ‘ஆக்னதவாசி’ ஆகிய படங்கள் வெளியாக இருப்பதாக அறிவிக்கப்பட்டுள்ளது. இப்போது அனுஷ்காவின் ‘பாக்மதி’ படமும் இந்த போட்டியில் இணைந்துள்ளது.

பவன்கல்யாணின் ‘ஆக்னதவாசி’ ஜனவரி 10-ந்தேதியும், பாலகிருஷ்ணாவின் ‘ஜெய் சிம்ஹா’ 12-ந்தேதியும், அனுஷ்காவின் ‘பாக்மதி’ 12 அல்லது 13-ந்தேதியில் வெளியிட திட்டமிடப்பட்டுள்ளது.