பாகுபலி2 படத்தில் அவந்திகாவை தோற்கடித்த அனுஷ்கா

பாகுபலி படத்தின் 2ம் பாகம் உலகம் முழுவதும் வெளியாகியுள்ள நிலையில் தற்போது இப்படத்தில் சிறந்த பெண் கதாபாத்திரமாக அனுஷ்கா உருவாகியுள்ளார்.

எஸ்.எஸ் ராஜமௌலி இயக்கிய பாகுபலி படத்தின் 2ம் பாகம் உலகம் முழுவதும் வெளியாகி வெற்றிகரமாக ஓடிக்கொண்டிருக்கிறது. மிகவும் சஸ்பென்ஸாக முடிந்த பாகுபலி முதல் பாகத்தின் விறுவிறுப்பு குறையாமல் பாகுபலி 2ம் பாகத்தை உருவாக்கியிருக்கிறார். மிகுந்த எதிர்பார்ப்புடன் இருந்த ரசிகர்களை ஏமாற்றாமல் 2ம் பாகம் வெளியாகி வெற்றி நடை போடுவதால் முதல் நாளிலேயே 100 கோடிக்கு ரூபாய்க்கும் மேல் வசூல் செய்து சாதனை படைத்துள்ளது. வெளியான 5 நாட்களில் 650 கோடி ரூபாய் வசூல் செய்துள்ள இத்திரைப்படம் 1000 கோடி ரூபாய் வசூல் செய்யும் என்ற எதிர்பார்க்கப்படுகிறது.

இந்நிலையில், அமரேந்திர பாகுபலியாக நடித்த பிரபாஸ் மிகவும் சுவாரஸியமான அனைவராலும் பாராட்டப்பட்ட ஒரு கதாபாத்திரம். இவரைத் தொடர்ந்து வில்லன் பல்லால தேவனான ராணா தன்னுடைய இரக்கமற்ற நடிப்பை கச்சிதமாக நடித்து தனக்கென்று முத்திரை பதித்துக் கொண்டார். இப்படத்தில் மிகவும் முக்கியமான கதாபத்திரங்கள் எது என்றால், அது தேவசேனா அனுஷ்கா, சிவகாமி ரம்யா கிருஷ்ணன் மற்றும் அவந்திகா தமன்னா ஆகியோரின் கதாபாத்திரம் தான். இவர்களில் யார் பாகுபலி படத்தின் சிறந்த பெண் கதாபாத்திரம் என்று, தற்போது ஒரு கேள்வி எழுகிறது. இதில், தமன்னாவை விட அனுஷ்கா தான் சிறந்த பெண் கதாபாத்திரம் என்று தெரிவிக்கப்பட்டுள்ளது.

மேலும், இப்படத்தில் அனுஷ்காவின் வால்வீச்சும், பிரபாஸ் உடனான காதலும், அவரத் தாய் தேவசேனா போன்ற கதாபாத்திரங்கள் காரணமாக அவர் தான் சிறந்த பெண் கதாபாத்திரம் என்று நிரூபித்துள்ளார்.