யாரும் சரிப்பட்டு வரவில்லை! பிரபாஸ்க்காக அனுஷ்கா பக்கம் திரும்பிய இயக்குனர்!

பிரபாஸ் உடன் இணைந்து பாலிவுட் படத்தில் நடிக்க எந்த நடிகையும் ஒத்து வராததால், இயக்குனரின் பார்வை அனுஷ்காவின் பக்கம் திரும்பியுள்ளது.

சுஜீத் இயக்கத்தில் பாலிவுட்டில் பிரபாஸ் நடிக்கும் படம் சாஹோ. இப்படத்தில் இவருக்கு ஜோடியாக நடிக்க நடிகை ஷ்ரத்தா கபூரிடம் பேச்சுவார்த்தை நடத்தப்பட்டுள்ளாது. ஆனால், ரூ.8 கோடி கொடுத்தால் தான் நான் பிரபாஸ் உடன் இணைந்து நடிப்பேன் என்று அவர் தெரிவித்துள்ளார். இவரைத் தொடர்ந்து தோனியின் வாழ்க்கை வரலாற்று படத்தில் நடித்த திஷா பதானியிடம் பேச்சுவார்த்தை நடத்தப்பட்டுள்ளது.

அதற்கு அவர் ரூ. 5 கோடி கொடுங்க என்று கேட்டுள்ளார். இதன் காரணமாக பிரபாஸ் உடன் இணைந்து நடிப்பதற்கு எந்த நடிகையும் சரிப்பட்டு வராததால் தற்போது இயக்குனரின் பார்வை பிரபாஸின் பாகுபலி தேவசேனாவான அனுஷ்காவின் பக்கம் திரும்பியுள்ளது என்பது குறிப்பிடத்தக்கது. இதற்கு அனுஷ்கா ஓகெ சொன்னால், அனுஷ்கா நடிக்கும் முதல் பாலிவுட் படம் இதுவாகும். அதோடு, ஏற்கனவே, பிரபாஸ் மற்றும் அனுஷ்கா இருவரும் இணைந்து பாகுபலி உள்பட பல படங்களில் நடித்துள்ளனர். இதன் மூலம், இருவரும் காதலிப்பதாக வதந்தி பரவி வருகிறது.