தெலுங்கு ‘நாச்சியார்’ ஆகிறார் அனுஷ்கா?

தமிழ் ‘நாச்சியார்’, தற்போது அனுஷ்கா நடிப்பில் தெலுங்கு ‘நாச்சியார்’ ஆக ரீமேக் செய்யப்படவுள்ளது.

நடிகை ஒரு காலத்தில் தமிழ் சினிமாவில் அஜீத், விஜய்க்கு ஜோடியாக நடித்து முன்னணி நடிகையாக வலம் வந்தார். சூர்யாவை திருமணம் செய்து கொண்ட பின் நடிப்புக்கு முழுக்கு போட்டு குடும்பத்துடன் ஐக்கியமானார்.

சமீபத்தில் ஜோதிகா திருமணத்துக்குப் பின் ‘36 வயதினிலே’ படம் மூலம் ரீஎண்ட்ரி கொடுத்தார். அந்தப் படம் நல்ல வரவேற்பைப் பெற்றதால் அடுத்தடுத்து படங்களில் நடிக்கத் தொடங்கினார். தற்போது பாலா இயக்கத்தில் ‘நாச்சியார்’ என்ற படத்தில் நடித்துள்ளார் ஜோதிகா. இந்தப் படத்திற்கு ரசிகர்கள் மத்தியில் ஜோதிகாவுக்கு நல்ல வரவேற்பும் கிடைத்திருந்தது.

தற்போது இந்த படத்தை தெலுங்கில் ரீமேக் செய்யவுள்ளனர். ஜோதிகா கேரக்டரில் நடிகை அனுஷ்காவை நடிக்க வைக்க பேச்சுவார்த்தை நடைபெற்று வருகிறது. அவர் சம்மதித்தால் படப்பிடிப்பு நடத்தலாம் என்ற முடிவில் உள்ளது தயாரிப்பு நிர்வாகம். அல்லது ‘நாச்சியார்’ படத்தை தெலுங்கில் டப் செய்து வெளியிடலாம் என்ற முயற்சியில் உள்ளனர்.