அப்பா பற்றி பிரபலங்கள்: சமுத்திரக்கனியின் சக்ஸஸ் ப்ளான்

சமுத்திரக்கனி கையாண்ட புதிய யுத்தி அவர் இயக்கி நடித்துள்ள அப்பா படத்திற்கு சிறந்த வரவேற்பைப் பெற்றுத்தந்துள்ளது.

அப்பா படத்தின் வெளியீட்டை ஒட்டி பிரபலங்கள் தங்கள் அப்பாவைப் பற்றி பகிர்ந்துகொள்ளும் வீடியோ பதிவுகளை சமுத்திரக்கனி வெளியிட்டுள்ளார். ’என் அப்பா’ என்ற தலைப்பில் பல்வேறு பிரபலங்கள் தங்கள் அப்பாவைப் பற்றி உணர்வுப்பூர்வமாக பேசியுள்ளனர்.

பிரபலங்களிடம் அவர்களது அப்பா பற்றி பேசச்சொல்லிக் கேட்ட போது, தனு ’அப்பா’ திரைப்படத்தைப் பற்றியும் தன்னைப் பற்றியும் கூறுவதைத் தவிர்த்துவிடுமாறு கேட்டதாக சமுத்திரக்கனி கூறியுள்ளார். தங்கள் அப்பாவைப் பற்றிய நினைவுகள், அவர் தங்கள் வாழ்க்கையில் ஆற்றிய பங்கு, தங்களிடமுள்ள அப்பாவின் தாக்கம் போன்றவற்றைப் பற்றி மட்டுமே பேச வலியுறுத்தியதாகவும் அவர் கூறியுள்ளார்.



இளையராஜா, மோகன்லால், சூர்யா,மஞ்சு வாரியர், நித்யா மேனன், சூரி, ஜெயம் ரவி, எஸ்.பி.ஜனநாதன், கோபிநாத், யுகபாரதி, சசிகுமார், சேரன், கௌதம் மேனன், தம்பி ராமைய்யா, ஐ.ஏ.எஸ். அதிகாரி சகாயம் உள்ளிட்ட பல பிரபலங்களுடன் சமுத்திரக்கனியும் தன் அப்பா பற்றி பேசியிருக்கிறார்.

அப்பா பற்றிய வீடியோக்கள் அனைத்துமே யூடியூபில் வெளியாகி அதிக பேரால் பார்க்கப்பட்டுள்ளது. குறிப்பாக, இளையராஜாவின் அப்பா பற்றிய பேச்சு 45 ஆயிரம் பேரால் பார்க்கப்பட்டுள்ளது.