திருப்தியில்லாத காட்சிகளை மீண்டும் இயக்குகிறார் ஏ.ஆர். முருகதாஸ்!

‘ஸ்பைடர்’ படத்தில் திருப்தியில்லாத சில காட்சிகளை இயக்குனர் ஏ.ஆர்.முருகதாஸ் மீண்டும் இயக்கவுள்ளார்.

ஏ.ஆர். முருகதாஸ் இயக்கத்தில் பிரபல தெலுங்கு முன்னணி ஹீரோ மகேஷ் பாபுவை வைத்து ‘ஸ்பைடர்’ என்ற படத்தை இயக்கி வருகிறார். மேலும் படத்தில் ராகுல் ப்ரீதி சிங், எஸ்.ஜே.சூர்யா உட்பட பலர் நடிக்கின்றனர். ‘ஸ்பைடர்’ படம் ஜுன் மாதம் 23ம் தேதி வெளியாகும் என ஏற்கெனவே அறிவித்துவிட்டார்கள். ஆனால், படத்தின் படப்பிடிப்பு மே மாதம் வரை செல்லும் என்கிறார்கள்.

‘ஸ்பைடர்’ படத்தில் சில திருப்தியில்லாத காட்சிகளை மீண்டும் படம் பிடிக்க முருகதாஸ் முடிவு செய்துள்ளாராம். அதனால், இந்த மாதத்துடன் முடிவடையும் என எதிர்பார்க்கப்பட்ட படப்பிடிப்பு அடுத்த மாதம் வரை செல்கிறது. இப்படத்தின் பர்ஸ்ட் லுக் கடந்த வாரம் வெளியிடப்பட்டது. யு டியூபில் இப்படத்தின் பர்ஸ்ட் லுக்கை 20 லட்சத்திற்கும் மேற்பட்ட பார்வைகள் கண்டு களித்துள்ளனர். 70 ஆயிரம் பேர் லைக் செய்துள்ளனர். தலைப்புப் பற்றி இருவேறு கருத்துகள் நிலவி வந்தாலும் மகேஷ் பாபு ரசிகர்கள் படத்தின் பெயரை வரவேற்றிருக்கிறார்கள்.