Thuppakki 2: விஜய் நடிப்பில் ”துப்பாக்கி 2” எப்போது? ரசிகர்களை சரவெடி மகிழ்ச்சியில் ஆழ்த்திய முருகதாஸ்!

ஏ.ஆர்.முருகதாஸ் இயக்கத்தில் விஜய், காஜல் அகர்வால் நடிப்பில், கடந்த 2012ஆம் ஆண்டு வெளியான திரைப்படம் ‘துப்பாக்கி’. இப்படம் மிகப்பெரிய வெற்றி அடைந்தது. ராணுவ வீரராக பயங்கரவாத கும்பலை வேரறுக்கும் கேப்டன் ஜெகதீஷ் கதாபாத்திரத்தில் விஜய் நடித்திருந்தார்.

விஜய் நடிப்பில் வெளியான மெகா ஹிட் திரைப்படங்களில் துப்பாக்கி படத்திற்கு முக்கிய இடமுண்டு. இந்த சூழலில் துப்பாக்கி படத்தின் இரண்டாம் பாகம் குறித்து, சமூக வலைத்தளங்களில் ரசிகர்கள் தொடர்ந்து கேள்விகள் எழுப்பி வந்தனர்.

இந்நிலையில் நேற்று நிகழ்ச்சி ஒன்றில் பேசிய இயக்குநர் ஏ.ஆர்.முருகதாஸ், கண்டிப்பாக துப்பாக்கி 2 திரைப்படம் உருவாகும். அது துப்பாக்கி படத்தை போல பல மடங்கு விறுவிறுப்பாக இருக்கும்.

ரஜினி படத்தையும் இயக்க உள்ளேன். அது நிச்சயம் அரசியல் படமாக இருக்காது. ரசிகர்களை திருப்திபடுத்தும் மாஸ் படமாக இருக்கும் என்றார். இந்த தகவல் விஜய் ரசிகர்களை மிகுந்த மகிழ்ச்சியில் ஆழ்த்தியுள்ளது.