ஏ.ஆர். முருகதாஸ் படத்தின் தலைப்பு ‘ஸ்பைடர்’!?

ஏ.ஆர்.முருகதாஸ் இயக்கி வரும் படத்தின் தலைப்பு ‘ஸ்பைடர்’ என்ற புதிய தகவல் தற்போது வெளியாகியுள்ளது.

ஏ.ஆர். முருகதாஸ், தெலுங்கு சூப்பர் ஸ்டார் மகேஷ் பாபுவை வைத்து தமிழ், தெலுங்கு என புதுப்படம் இயக்கி வருகிறார். படத்தின் படப்பிடிப்பு ஆரம்பித்து நீண்ட நாட்கள் ஆகியும் பட பெயரையோ, பர்ஸ்ட் லுக்கையோ இதுவரை படக்குழு வெளியிடாமல் இருந்தனர்.

மிகவும் பொறுமை காத்துவந்த மகேஷ் பாபு ரசிகர்கள் ஒரு கட்டத்தில் ஏ.ஆர். முருகதாஸை கேள்வி கேட்க ஆரம்பித்து விட்டனர். இந்நிலையில் இப்பட பர்ஸ்ட் வரும் ஏப்ரல் 12ம் தேதி மாலை 5 மணியளவில் வெளியாக இருப்பதாக அதிகாரப்பூர்வ தகவல் வந்துள்ளது.

இப்படத்தின் பர்ஸ்ட் லுக் மார்ச் 29ம் தேதி வெளியாகும் என்று ஏற்கெனவே செய்திகள் வந்திருந்தன. அதேபோல் படத்திற்கு ‘ஸ்பைடர்’ என்று பெயரிட்டிருப்பதாகவும் வதந்திகள் வந்திருந்தது.