இசையமைப்பாளர் சிற்பி மகனை வாழ்த்திய ஏ.ஆர்.ரஹ்மான்!

’பள்ளி பருவத்திலே’ படம் மூலம் இசையமைப்பாளர் சிற்பியின் மகன் நந்தன்ராம் ஹீரோவாக அறிமுகமாகியுள்ளார்.

அவருக்கு ஜோடியாக வெண்பா நடித்துள்ளார். நந்தன்ராமின் தந்தையாக இயக்குனர் கே.எஸ்.ரவிக்குமாரும், தாயாக ஊர்வசியும் நடித்துள்ளனர். படத்தை வாசுதேவ் பாஸ்கர் இயக்கியுள்ளார்.படத்திற்கு விஜய் நாராயணன் என்ற புதுமுகம் இசை அமைத்துள்ளார். பாடல்களை வைரமுத்து எழுதியுள்ளார்.

இசையமைப்பாளர் ஏ.ஆர்.ரஹ்மான் இசையமைப்பாளர் சிற்பியிடம் சில காலம் கீ-போர்டு பிளேயராக பணியாற்றியுள்ளார். இந்நிலையில் சிற்பி மகன் நந்தன்ராமுடன் ஏ.ஆர்.ரஹ்மானை சந்தித்து பாடல் வெளியீட்டு விழாவுக்கு அழைத்துள்ளார். ஏ.ஆர்.ரகுமான் ‘பள்ளி பருவத்திலே’ படத்தின் பாடல்களை கேட்டு நந்தன்ராமை பாராட்டி, “நேர்மையுடன் கடுமையாக உழைத்தால் சினிமாவில் ஜெயிக்கலாம்“ என்று அவரை வாழ்த்தினார்.