ஆன் லைனில் அறம் படம் லீக்: படக்குழு அதிர்ச்சி!!

ஆன் லைனில் நயன்தாரா நடித்த அறம் படம் வெளியாகி அதிர்ச்சியை ஏற்படுத்தியுள்ளது.

கோபி நயினார் இயக்கத்தில் நடிகை நயன்தாரா மாவட்ட கலெக்டர் மதிவதனியாக நடித்த அறம் படம் கடந்த வாரம் வெளியாகி வெற்றிகரமாக ஓடிக் கொண்டிருக்கிறது. இந்தப் படத்தில் நயன்தாரா இதுவரை தென்னிந்தியாவில் நடித்த பிரபல நடிகைகளின் பெயரை தனது பிரம்மாண்ட நடிப்பால் ஓரம் கட்டிவிட்டார். சமூக சிந்தனையுடன் வெளி வந்துள்ள இந்தப் படத்தில் உணர்வுபூரமாக நடித்துள்ள நயன்தாரா ஒரு உண்மையான கலெக்டர் போலவே தனது நடிப்பை வெளிப்படுத்தியுள்ளார்.

இந்தப் படத்திற்கு நல்ல விமர்சனங்கள் வெளியாகி வருகின்றன. இந்த நிலையில் ஆன் லைனில் இந்தப் படம் வெளியாகியுள்ளது என்ற அதிர்ச்சி தகவல் வெளியாகியுள்ளது. இதனால் படக்குழு கோபத்தில் உள்ளது. இதேபோல்தான் சமீபத்தில் வெளியான விஜய்யின் மெர்சல் படத்திற்கும் ஏற்பட்டது. இந்தப் படமும் ஆன் லைனில் வெளியாகி படக்குழுவுக்கு அதிர்ச்சியை ஏற்படுத்தி இருந்தது.