என் படத்தில் 'அந்த' காட்சி இருக்கவே கூடாது: அஜித் மாதிரியே பேசும் பிக் பாஸ் ஆரவ்

பிக் பாஸ் நிகழ்ச்சியின் முதல் சீசனில் டைட்டிலை வென்ற ஆரவ் கோலிவுட்டில் பிசியாகிவிட்டார். அவர் மார்க்கெட் ராஜா எம்.பி.பி.எஸ்., ராஜபீமா ஆகிய படங்களில் நடித்துள்ளார்.

இந்நிலையில் தனது கெரியர் பற்றி ஆரவ் கூறியிருப்பதாவது,

பிக் பாஸ் நிகழ்ச்சியில் கலந்து கொண்ட பிறகு நிறைய பட வாய்ப்புகள் வந்தன. ஆனால் நல்ல படங்களை தேர்வு செய்ய வேண்டும் என்று முடிவு செய்ததால் அவசரப்படவில்லை. நான் வாழ்நாள் முழுவதும் படங்களில் நடிக்க விரும்புகிறேன்.

அது என்ன ஓரவஞ்சனை: லோஸ்லியா மீது கவின் ரசிகர்கள் கோபம்

என்னை தேடி வந்த பட வாய்ப்புகளை எல்லாம் நான் ஏற்றிருக்க முடியும். ஆனால் பல படங்கள் பிடிக்காததால் அவசரப்பட்டு அதில் நடிக்க விரும்பவில்லை. பெண்களுக்கு எதிரான கதாபாத்திரங்களில் நான் நடிக்க மாட்டேன்.

பெண்களை படங்களில் தவறாக சித்தரிப்பது எனக்கு பிடிக்காது. சில இயக்குநர்கள் வியாபாரத்திற்காக பெண்களை ஓவர் கிளாமரான கதாபாத்திரங்களில் நடிக்க வைக்கிறார்கள். என் படங்களில் அது போன்ற காட்சிகள் வைக்கக் கூடாது என்று நான் இயக்குநர்களிடம் கூறுவேன்.

சுஜித் மரணம் குறித்து நான் ட்வீட் செய்தது விளம்பரம் தேட அல்ல. சுஜித் மரணத்தால் அதிர்ச்சி அடைந்தேன். என் குடும்பத்துடன் சேர்ந்து சுஜித் பற்றிய செய்திகளை தான் டிவியில் பார்த்தேன். சுஜித் உயிருடன் வருவான் என்று எதிர்பார்த்தபோது அவன் இறந்த செய்தியை பார்த்து அதிர்ந்தேன்.

வைரலாகும் தனுஷ் குடும்ப புகைப்படங்கள்: யாத்ரா, லிங்காவை கண்டுபிடிங்க பார்ப்போம்

அந்த நேரத்தில் சமூக வலைதளத்தில் சிலர் எனக்கு பிறந்தநாள் வாழ்த்து தெரிவித்ததை பார்த்தேன். சுஜித்தை குடும்பத்தில் ஒருவராக பார்த்தேன். குடும்பத்தில் ஒருவர் இறந்தபோது நீங்கள் உங்களின் பிறந்தநாளை கொண்டாடுவீர்களா?.

அந்த ஒரு வாரம் சுஜித் பற்றி பேசிவிட்டு தற்போது நாம் பிற விஷயங்களில் கவனம் செலுத்துகிறோம். அது தான் வேதனை அளிக்கிறது. சுஜித் பற்றி ட்வீட் செய்வதற்கு பதில் அவரின் குடும்பத்திற்கு பணம் கொடுத்திருக்கலாமே என்று சிலர் கேட்டனர். நான் பல நல்ல காரியங்களுக்கு பணம் கொடுத்துக் கொண்டிருக்கிறேன். அதை எல்லாம் சமூக வலைதளத்தில் தெரிவிக்க விரும்பவில்லை.

விளம்பரம் தேட ட்வீட் போட வேண்டிய அவசியம் எனக்கு இல்லை. சமூக வலைதளங்களில் போலி ப்ரொஃபைல் வைத்து அடுத்தவர்களை கிண்டல் செய்வது அதிகமாக உள்ளது. இது மாறும் என்று நம்புகிறேன் என்றார்.