அரவிந்த்சாமி - ரெஜினா இணைந்து நடிக்கும் ‘கள்ளபார்ட்’!

நடிகர் அரவிந்த்சாமி தற்போது நடித்து வரும் புதிய படம் ‘கள்ளபார்ட்’.

நடிகர் அரவிந்தசாமி நடிப்பில் கடைசியாக வெளியான படம் ‘பாஸ்கர் ஒரு ராஸ்கல்’. அதையடுத்து அவர் நடிப்பில் உருவாகியுள்ள ‘நரகாசூரன்’ படம் விரைவில் வெளியாகவுள்ளது. தற்போது ‘என்னமோ நடக்குது’, ‘அச்சமின்றி’ ஆகிய படங்களை இயக்கியவர் ராஜபாண்டி. தற்போது இவர் நடிகர் அரவிந்தசாமியை ஹீரோவாக வைத்து ‘ கள்ளபார்ட்’ என்ற படத்தை இயக்கி வருகிறார்.

இந்த படத்தில் அரவிந்த் சாமிக்கு ஜோடியாக நடிகை ரெஜினா கெசன்ட்ரா நடிக்கிறார். மேலும்படத்தில் நடிகர் ஆனந்த்ராஜ் நடிக்கிறார். இந்தப் படத்தை விக்ரமின் ‘ஸ்கெட்ச்’ படத்தை தயாரித்த மூவிஸ் ப்ரேம் நிறுவனம் தயாரித்து வருகிறது.

இந்நிலையில் ‘கள்ளபார்ட்’ படத்தின் படப்பிடிப்பு சென்னையில் உள்ள ஏவிஎம் ஸ்டூடியோவில் அரங்குகள் அமைத்து சுமார் 30 நாட்கள் முதல்கட்ட படப்பிடிப்பு நடைபெறவுள்ளது.