கொரோனாவுக்கு பலே விளக்கம் கொடுத்த பிகில் தயாரிப்பாளர்: அது என்னனு தெரியுமா?

கொரோனா வைரஸ் பரவுவதை தடுக்க கடந்த 22ம் தேதி தேசிய ஊரடங்கு கடைபிடிக்கப்பட்டது. இதையடுத்து நேற்று இரவு 8 மணிக்கு டிவியில் பேசிய பிரதமர் நரேந்திர மோடி நள்ளிரவு 12 மணி முதல் 21 நாட்களுக்கு ஊரடங்கு அமலில் இருக்கும் என்று தெரிவித்துள்ளார். இந்நிலையில் பிகில் பட தயாரிப்பாளரான அர்ச்சனா கல்பாத்தி கொரோனா பற்றி ஒரு ட்வீட் போட்டுள்ளார்.

கொரோனா என்றால் கோட்ட தாண்டி ரோட்டுக்கு போனா நல்லது இல்ல என்று அர்த்தம் என ட்வீட் செய்து அனைவரையும் வீட்டிலேயே பத்திரமாக இருக்குமாறு அர்ச்சனா கல்பாத்தி வலியுறுத்தியுள்ளார். அர்ச்சனா சொல்வதும் சரி தான், வீட்டை விட்டு வெளியே சென்றால் வைரஸ் பாதிப்பு ஏற்பட வாய்ப்பு அதிகம் உள்ளது என்பது குறிப்பிடத்தக்கது.

கொரோனாவுக்கு புது விளக்கம் அளித்தது மட்டும் அல்லாமல் மோடிஜியின் பேச்சை கேட்டு அனவரும் வீட்டிலேயே இருந்து வைரஸ் பரவுவதை தடுக்க வேண்டும் என்று அறிவுரை வழங்கியுள்ளார் அர்ச்சனா கல்பாத்தி. ஆயிரக்கணக்கானோர் உயிரை குடித்து வளர்ந்த நாடுகளையே ஆட்டம் காண வைத்துள்ளது கொரோனா வைரஸ் என்கிறார் அர்ச்சனா கல்பாத்தி.

அர்ச்சனாவின் ட்வீட்டுகளை பார்த்த விஜய் ரசிகர்களோ, அக்கா நீங்களும் வீட்டில் பத்திரமாக இருக்கவும். என்ன மாஸ்டர் ரிலீஸ் தள்ளிப் போயிடுச்சேன்னு வருத்தமாக உள்ளது. கொரோனாவுக்கு இந்தியாவில் மருந்து கண்டுபிடித்தாகிவிட்டது. அதன் பெயர் MVI- 21d.அப்படி என்றால் மூடிட்டு வீட்டிலேயே இரு- 21 நாட்கள் என்று பொருள் என தெரிவித்துள்ளனர்.