Arun Vijay: கார்த்திக் நரேன் - அருண் விஜய் சர்ப்ரைஸ் கூட்டணி- வெளியானது அசத்தல் ஃபர்ஸ்ட் லுக்!

”துருவங்கள் பதினாறு” படத்தின் மூலம் தமிழ் சினிமாவில் அறிமுகமான இளம் இயக்குநர் கார்த்திக் நரேன். நடிகர் ரகுமான் நடிப்பில் திரில்லர் படமாக வெளியாகி தமிழ் சினிமா உலகினரிடையே மிகுந்த பாராட்டை பெற்ற படம். இப்படத்தை இயக்கிய கார்த்திக் நரேன், மிக இளம் வயதில் மிகச் சிறந்த முறையில் படத்தை இயக்கியதற்காக பெரும் பாராட்டு பெற்றார்.

இவர் இயக்கத்தில் அரவிந்த் சாமி, சந்தீப் கிஷன், ஸ்ரேயா சரண், இந்திரஜித் ஆகியோர் நடித்த சஸ்பென்ஸ் த்ரில்லர் திரைப்படம் ”நரகாசூரன்” இன்னும் ரிலீஸ் ஆகாமல் உள்ளது. இப்படத்திற்கு ரான் யோஹான் இசையமைத்திருந்தார். இப்படத்தினை கௌதம் வாசுதேவ் மேனனின் ஒன்றாக என்டர்டெயின்மென்ட்’ நிறுவனம் தயாரித்தது.

இப்படத்தின் ரிலீஸ் மற்றும் தயாரிப்பு பணிகளில் கார்த்திக் நரேனுக்கும், கௌதம் வாசுதேவ் மேனனுக்கும் பிரச்சனை ஏற்பட்டது. இப்படத்தின் டிரெய்லர் மிகுந்த வரவேற்பு பெற்ற நிலையில் படம் இதுவரை ரிலீஸ் ஆகவில்லை.

இதிலிருந்து விடுபட்டு கார்த்திக் நரேன் வேறொரு புதிய படத்தை இயக்க முற்பட்டார். அப்படத்திற்கு 'நாடக மேடை' என டைட்டில் வைத்தனர். நைட் நாஸ்டால்ஜியா ஃபிலிமோடெய்ன்மென்ட் பட நிறுவனம் சார்பில் கார்த்திக் நரேன் இப்படத்தை தயாரிப்பதாக கூறப்பட்டது. ஒளிப்பதிவு சுஜித் சரங், ரோன் ஈத்தன் யோகன் இசை, எடிட்டிங் ஸ்ரீஜித் சரங், கலை சிவசங்கர் என்று தன் பரிவாரங்களுடன் கார்த்திக் நரேன் களம் இறங்குவதாக அறிவிக்கப்பட்டிருந்தது.

தற்போது சர்ப்ரைஸ் அறிவிப்பாக லைகா தயாரிப்பில் கார்த்திக் நரேனின் அடுத்த திரைப்படம் அருண் விஜய் நடிப்பில் அறிவிக்கப்பட்டுள்ளது. நரகாசூரன், நாடக மேடை என இரு படங்கள் ஏற்கனவே உள்ள நிலையில் இப்படம் அறிவிக்கப்பட்டுள்ளது.

”மாஃபியா” படத்தின் ஃப்ர்ஸ்ட் லுக் நேற்று வெளியிடப்பட்டது. கேங்ஸ்டர் லுக்கில் அருண் விஜய் இருக்கும் ஃபர்ஸ்ட் லுக் போஸ்டர் பலராலும் பாரட்டப்பட்டது. இப்படத்தை லைகா நிறுவனம் தயாரிக்கிறது. இப்படத்தின் தொழில்நுட்ப குழு தேர்வு தற்போது நடைபெற்று வருகிறது.

இப்படத்தில் இளைஞர்களின் மனம் கவர்ந்த பிரியா பவானி சங்கர் நாயகியாக நடிக்க உள்ளார். மேலும் நடிகர் பிரசன்னா முக்கிய கதாபாத்திரத்தில் நடிக்க உள்ளார். வித்தியாசமான கூட்டணியுடன் களமிறங்கியுள்ள கார்த்திக் நரேனுக்கு சினிமா உலகத்தினர் பாராட்டு தெரிவித்து வருகின்றனர்.