இணையத்தில் வைரலாகும் அருண் விஜய்யின் அக்கா மகள் ‘தியா’ புகைப்படங்கள்

தமிழ் சினிமாவில் முன்னணி ஹீரோக்களில் ஒருவராக இருக்கிறார் அருண் விஜய். நடிகர் விஜயகுமாரின் மகன் தான் இவர். வில்லன் வேடம் குணச்சித்திர வேடம் உட்பட அனைத்து விதமான ரோல்களில் நடித்து தமிழ் சினிமா ரசிகர்களை கவர்ந்து இருந்த விஜயகுமார் தற்சமயம் டிவி சீரியல்களில் கவனம் செலுத்தி வருகிறார்.

விஜயகுமாருக்கு இரண்டு மனைவிகள். மறைந்த நடிகை மஞ்சுளா மற்றும் முத்துக்கண்ணு ஆகியோர் தான் அந்த இருவர். இவர்கள் மூலமாக விஜயகுமாருக்கு ஆறு குழந்தைகள் உள்ளனர். அருண் விஜய், வனிதா, ஸ்ரீதேவி, பிரீத்தா, அனிதா மற்றும் கவிதா என மொத்தம் ஆறு மகன் மகள்கள் விஜயகுமாருக்கு இருக்கின்றனர்.

மிகப்பெரிய கலை குடும்பமான விஜயகுமாரின் குடும்பத்தில் கிட்டத்தட்ட அனைவரும் சினிமாவில் நடித்து விட்டனர். ஆனால் விஜயகுமாரின் மகள் அனிதா என்பவர் மட்டும் திரைப்படங்களில் நடிக்கவில்லை.

இந்நிலையில் தற்போது அனிதாவின் மகள் திவ்யா என்பவரது புகைப்படம் சமூக வலைதளங்களில் மிகவும் வேகமாக வைரலாகி வருகிறது. அருண் விஜய்யின் அக்கா மகளான இவர் மிகவும் அழகாக இருக்கிறார் என்றும், இவர் சினிமாவில் நடிக்க வருவாரா என நெட்டிசன்கள் தற்போதே பேசத் துவங்கி விட்டனர். அவரது தாத்தா விஜயகுமார் மற்றும் மாமா அருண் விஜய் ஆகியோர் உடன் எடுத்துக் கொண்ட புகைப்படங்களை சமூக வலைதளங்களில் வெளியிட்டு இருக்கிறார். அதன் மூலமாகத்தான் தற்போது இந்த புகைபடங்கள் வைரலாக துவங்கியுள்ளது.

விஜயகுமார் குடும்பத்துக்கு மிகவும் நெருக்கமாக இருக்கும் தியா, லண்டன் மற்றும் சென்னை ஆகிய இடங்களில் குடும்பத்தினருடன் தான் எடுத்த புகைப்படங்கள் பலவற்றை சமூக வலைத்தளங்களில் பகிர்ந்துள்ளார். அவை தற்போது இணையத்தில் அதிக அளவில் வைரல் ஆவதையும் பார்க்க முடிகிறது. அவரது சில அழகிய புகைப்படங்கள் இதோ..


அருண் விஜய் கடைசியாக மாஃபியா என்ற படத்தில் நடித்திருந்தார். கார்த்திக் நரேன் இயக்கியிருந்த இந்தப் படம் ரசிகர்கள் மத்தியில் நல்ல வரவேற்ப்பை பெற்றிருந்தது. முதல் பாகம் தற்போது வெளியாகியுள்ள நிலையில் இரண்டாம் பாகம் எப்போது எடுப்பார்கள் என்று தான் அருண் விஜய் ரசிகர்கள் எதிர்பார்த்துக் காத்திருக்கின்றனர்.

அது ஒருபுறமிருக்க அருண் விஜய் தன் கைவசம் அக்னிச் சிறகுகள், பாக்ஸர் ஆகிய படங்களை வைத்திருக்கிறார். பாக்சர் படத்தில் நடிப்பதற்காக வெளிநாட்டிற்கு சென்று மிக்ஸட் மார்ஷியல் ஆர்ட்ஸ் சண்டை பயின்று வந்தார் என்பது குறிப்பிடத்தக்கது. படத்தின் ஃபர்ஸ்ட் லுக் போஸ்டர் ரசிகர்களை வெகுவாக கவர்ந்திருந்தது. பாக்சர் படம் அறிவிக்கப்பட்டு ஒரு வருடத்திற்க்கு மேல் ஆகும் நிலையில் இந்த படத்தின் தயாரிப்பாளர் மீது அருண் விஜய் அதிருப்தியில் இருக்கிறார் என சென்ற மாதம் செய்தி வெளியானது குறிப்பிடத்தக்கது. மேலும் இந்தப் படத்தை தயாரித்து வரும் மதியழகன் என்பவர் இந்த படத்தில் அருண் விஜய்க்கு வில்லனாக நடிக்கப் போகிறார் என அதிகாரப்பூர்வ அறிவிப்பு சமீபத்தில் .வெளிவந்திருந்தது குறிப்பிடத்தக்கது.

மேலும் அக்னி சிறகுகள் படத்தில் அருண் விஜய் உடன் விஜய் ஆண்டனி, அக்ஷரா ஹாசன் உள்ளிட்ட பலர் நடித்து வருகின்றனர். இந்த படத்தின் ஷுட்டிங் இந்தியா மட்டுமின்றி ரஷ்யா உள்ளிட்ட பல நாடுகளில் நடைபெற்றது.