ஷாங்காய் திரைப்பட பட விழாவில் ‘அருவி’ .!

தமிழ் மொழியில் உருவாகியுள்ள ‘அருவி’ படம் ஷாங்காய் திரைப்பட விழாவில் திரையிடப்பட்டது.

சமீபத்தில் ‘அருவி’ படத்தின் டீசர் வெளியானது. இந்த பட டீசரில் பல இடங்களில் பீப் ஒலி இருந்ததால், இந்தப் படம் சர்ச்சைக்குரிய விஷயங்களை தாங்கி வருவதாக பேசப்பட்டது. படக்குழுவும் அதை ஒப்புக்கொண்டது.

இதற்கிடையே ‘அருவி’ படம் ஷாங்காய் திரைப்பட விழாவிலும் திரையிடப்பட்டு நல்ல வரவேற்பை பெற்றுள்ளது. ரிலீசுக்கு முன்பே படத்தை பார்த்த நடிகர் சிவகார்த்திகேயன், ‘அருவி’ படம் குறித்து டிவிட்டரில் பாராட்டியுள்ளார்.

‘அருவி’ படத்தை அறிமுக இயக்குனர் அருண் பிரபு புருஷோத்தமன் இயக்கியுள்ளார். புதுமுகங்கள் நடிப்பில் உருவாகியுள்ள, இந்தப் படம் டிசம்பர் 1ம் தேதி வெளியாகிறது.