பா. ரஞ்சித் இயக்கத்தில் ஆர்யா நடிக்கும் சார்பட்டா: ஃபர்ஸ்ட் லுக் வேற லெவல்

அட்டகத்தி, மெட்ராஸ், கபாலி, காலா ஆகிய படங்களை இயக்கிய பா. ரஞ்சித் ஆர்யாவை வைத்து பாக்சிங் தொடர்பான படத்தை இயக்கி வருகிறார். இந்த படத்திற்காக ஆர்யா கடுமையாக ஒர்க்அவுட் செய்து உடம்பை மரணமாக ஏற்றி வைத்திருக்கிறார்.

ரஞ்சித் படத்திற்காக ஆர்யா கும்மென்று ஆன பிறகு எடுக்கப்பட்ட புகைப்படங்கள் வெளியாகி வைரலானது. அந்த புகைப்படங்களை பார்த்த ரசிகர்கள் மிரண்டே போனார்கள். இந்நிலையில் பா. ரஞ்சித் இயக்கத்தில் ஆர்யா நடிக்கும் படத்தின் தலைப்பு மற்றும் ஃபர்ஸ்ட் லுக் போஸ்டர் டிசம்பர் 2ம் தேதி காலை 11 மணிக்கு வெளியாகும் என்று அறிவித்தார்கள். அறிவித்தபடி ஃபர்ஸ்ட் லுக் போஸ்டர் வெளியாகியுள்ளது.
படத்திற்கு சார்பட்டா என்று தலைப்பு வைக்கப்பட்டுள்ளது. ஃபர்ஸட் லுக் போஸ்டரில் ஆர்யா பாக்சிங் ரிங்கிற்குள் நின்றபடி போஸ் கொடுத்துள்ளார்.

போஸ்டரை பார்த்த ரசிகர்கள், மரண மாஸாக இருக்கிறது, வேற லெவல், வாழ்த்துக்கள் என்று தெரிவித்துள்ளனர்.

இந்த படத்தில் நோட்டா படம் புகழ் சஞ்சனா நடராஜன் நடிக்கிறார். அவர் தனுஷின் ஜகமே தந்திரம் படத்தில் நடித்திருக்கிறார். அந்த படத்தின் ரிலீஸுக்காக காத்திருக்கிறார்.

ஆர்யா படத்திற்கு சந்தோஷ் நாராயணன் இசையமைக்கிறார். பா. ரஞ்சித் இதுவரை இயக்கிய படங்கள் அந்த ஹீரோக்களின் கெரியரில் முக்கியமான படங்களாக அமைந்துள்ளன. அதே போன்று ஆர்யாவுக்கும் இந்த படம் அவரின் கெரியரில் மறக்க முடியாத படமாக அமையும் என்று எதிர்பார்க்கப்படுகிறது.

ஒரு ஹிட் கொடுத்தே ஆக வேண்டும் என்கிற கட்டாயத்தில் இருக்கும் ஆர்யாவுக்கு இந்த படம் நிச்சயம் கை கொடுக்கும் என்று நம்பப்படுகிறது.

ஆர்யா தன் மனைவி சயீஷாவுடன் சேர்ந்து சக்தி சவுந்தர் ராஜன் இயக்கத்தில் டெடி படத்தில் நடித்துள்ளார். அந்த படத்தின் ரிலீஸுக்காக காத்திருக்கிறார். டெடி படம் மூலம் இயக்குநர் மகிழ்திருமேனி நடிகர் ஆகியுள்ளார்.

டெடி படம் ஓடிடியில் ரிலீஸாகும் என்று தகவல் வெளியானது. ஆனால் டெடி படம் ஓடிடியில் அல்ல தியேட்டர்களில் தான் ரிலீஸாகும் என்று இயக்குநர் விளக்கம் அளித்தார்.

Vijay Master மாஸ்டர் தொடர்ந்து 5 நாள் வசூல் வேட்டை நடத்த ரிலீஸ் தேதி குறிச்சாச்சா?