தெலுங்கில் ஆர்யா படம் ரிலீஸ் இல்லை..!

நடிகர் ஆர்யாவின் கடம்பன் படத்தின் தெலுங்குப் பதிப்பான “கஜேந்திரடு”-வின் வெளியீடு ஒத்தி வைக்கப்பட்டுள்ளது.

ராகவன் இயக்கத்தில் ஆர்யா நடித்துள்ள ‘கடம்பன்’ திரைப்படம், இன்று வெளியாக உள்ளது. சுற்றுசூழலை அழிப்பதால் ஏற்படும் பல்வேறு பிரச்சனைகளை எடுத்துக் கூறும் படமாக கடம்பன் திரைப்படம் இருக்கும் என இயக்குநர் ராகவா தெரிவித்திருந்தார்.

இந்நிலையில் கடம்பன் படத்தின் தெலுங்குப் பதிப்பான ‘ கஜேந்திரடு’ ஆந்திரா மற்றும் தெலங்கானாவில் இன்று வெளியிட திட்டமிடப்பட்டிருந்தது. ஆனால் தவிர்க்க முடியாத சில காரணங்களினால், கஜேந்திரடு படத்தின் வெளியீடு தள்ளி வைக்கப்பட்டிருப்பதாக படக்குழு தெரிவித்துள்ளது.

இந்த படத்தில் பல்வேறு பிரம்மாண்ட சண்டைக் காட்சிகள் இடம்பெற்றுள்ளதாகவும், கிளைமேக்ஸ் காட்சி தாய்லாந்தில் 50 யானைகள், 100 சண்டைக் கலைஞர்களை கொண்டு படமாக்கப்பட்டதாகவும் இயக்குநர் ராகவா தெரிவித்துள்ளார். மஞ்சப்பை என்ற வெற்றிப் படத்தை இயக்கியவர் ராகவன் என்பது குறிப்பிடத்தக்கது.

Arya's Gajendrudu release postphoned