சமையல் முதல் கிளீனிங் வரை.. அசின் மகள் அரின் க்யூட் வீடியோ வைரல்

தமிழ் சினிமாவில் ஒரு காலத்தில் டாப் ஹீரோயினாக இருந்தவர் அசின். அஜித், விஜய், சூர்யா, ஜெயம் ரவி என பல டாப் ஹீரோக்களுக்கு ஜோடியாக நடித்துள்ளார். 2004ல் எம் குமரன் சன் ஆஃப் மகாலட்சுமி படம் மூலமாக தமிழ் சினிமாவில் காலடி எடுத்து வைத்தார் கேரளாவை சேர்ந்த அசின்.

முதல் படமே அவருக்கு மிகப்பெரிய வரவேற்பு கிடைத்ததால், அடுத்து உள்ளம் கேட்குமே கஜினி மச்சா சிவகாசி, ஆழ்வார், போக்கிரி, வேல் என பல முன்னணி ஹீரோ படங்களில் நடித்தார் அசின். இந்தியிலும் ஒரு சில படங்கள் நடித்துள்ளார். கஜினி படத்தின் இந்தி ரீமேக் மூலமாக தான் பாலிவுட்டில் தடம் பதித்தார் அசின்.

2016இல் பிரபல தொழிலதிபர் ராகுல் ஷர்மா என்பவரை திருமணம் செய்து கொண்டு செட்டிலானார் அசின். 2017இல் அசின் மற்றும் ராகுல் சர்மா ஜோடிக்கு ஒரு பெண் குழந்தை பிறந்தது. அவருக்கு அரின் என்று பெயர் சூட்டினர். அவர்கள் அவ்வப்போது சமூக வலைத்தளங்களை குழந்தையின் புகைப்படம் மற்றும் வீடியோக்களை வெளியிட்டு வருகின்றனர். அவற்றுக்கு ரசிகர்கள் மத்தியில் நல்ல ரெஸ்பான்ஸ் கிடைத்து வருகிறது.

இந்நிலையில் தற்போது கொரோனா லாக் டவுனில் அரின் வீட்டில் ஒரு மினி கிச்சன் உருவாக்கி அதில் மகள் அரின் டம்மியான பாத்திரங்கள் வைத்து சமையல் பணிகளை செய்து விளையாடிவரும் போட்டோ மற்றும் வீடியோக்களை இன்ஸ்டாகிராமில் வெளியிட்டுள்ளார். ஒரு புகைப்படத்தில் அரின் தரையை சுத்தம் செய்து கொண்டிருப்பது காட்டப்பட்டு இருக்கிறது. இது பற்றி குறிப்பிட்டுள்ள அசின் "சீரியசான குவாரண்டைன் குக்கிங் இது" என்று குறிப்பிட்டுள்ளார்.


அரின் இரண்டு வயதிலேயே இவ்வளவு கியூடாக பணிகளை செய்து வருவதை நெட்டிசன்கள் பாராட்டி பேசி வருகின்றனர்.

அசினின் கணவர் ராகுல் ஷர்மா ஒரு பிரபல மொபைல் போன் கம்பெனியின் உரிமையாளர் என்பது குறிப்பிடத்தக்கது. அவர்கள் காதல் திருமணம் செய்துக்கொள்ள நடிகர் அக்ஷய் குமார் தான் காரணம் என அவர்கள் திருமணம் நடைபெற்றபோது செய்தி வெளியாகி இருந்தது என்பது குறிப்பிடத்தக்கது. திருமணத்தில் அக்ஷய் குமார் உட்பட பல சினிமா துறை நட்சத்திரங்கள் மற்றும் பிரபலங்கள் கலந்துகொண்டனர் என்பது குறிப்பிடத்தக்கது.

சமீபத்தில் அசின் - ராகுல் சர்மா திருமணம் பற்றி குறிப்பிட்டு ஒரு மீம் அதிகம் வைரலாகி இருந்தது குறிப்பிடத்தக்கது. வைரஸ் தாக்குதல், வெட்டுக்கிளி தாக்குதல் உட்பட சூர்யா நடிக்கும் படங்களில் நடப்பவை உண்மையிலும் நடக்கிறது என பல மீம்கள் வைரலாகின. கஜினி படத்தில் செல்போன் கம்பெனி அதிபர் சஞ்சய் ராமசாமியை காதலிப்பார் அசின், அதே போல நிஜ வாழ்க்கையிலும் ஒரு செல்போன் நிறுவன உரிமையாளாரைத் தான் அசின் காதலித்து திருமணம் செய்து கொண்டார் என குறிப்பிட்டு ஒரு மீம் அதிகம் வைரலாகி இருந்தது.