தெலுங்கில் ரீமேக்காகும் அசுரன்! ஹீரோ இவர் தானாம்...

தனுஷ் நடிப்பில் கடந்த அக்டோபர் 4ம் தேதி வெளியான அசுரன் படம் மாபெரும் வரவேற்பை பெற்று வருகிறது. எழுத்தாளர் பூமணியின் வெக்கை நாவலை தழுவி அசுரன் உருவாகிவுள்ளது.

வெற்றிமாறன் இயக்கியுள்ள இதில் மஞ்சு வாரியர் பச்சையம்மாள் கதாபாத்திரத்தில் நடித்துள்ளர். மேலும் பசுபதி, கென் கருணாஸ், டீஜே அருணாச்சலம், பிரகாஷ்ராஜ், அம்மு அபிராமி, பாலாஜி சக்திவேல், சுப்ரமணியம் சிவா, ஆடுகளம் நரேன், பவன், ஏ.வெங்கடேஷ் உள்ளிட்ட பலர் நடித்துள்ளனர்.

ரசிகர்களின் மிகுந்த வரவேற்பை பெற்ற இப்படம் ரூ.100 கோடிக்கு மேல் வசூல் செய்து சாதனை படைத்துள்ளதாக படக்குழு அறிவித்துள்ளது.

வாய் பேச முடியாமல், காது கேட்காமல் உயிருக்கு போராடி வரும் பரவை முனியம்மா!

இந்த நிலையில் அசுரன் படம் தற்போது தெலுங்கில் ரீமேக்காகவுள்ளதாக தகவல் வெளியாகியுள்ளது. தெலுங்கிலும் கலைப்புலி.எஸ்.தாணு மற்றும் சுரேஷ் புரொடக்ஷன்ஸ் நிறுவனம் இணைந்து இந்த படத்தை தயாரிக்கவுள்ளனர்.

இதில் தனுஷ் நடித்த கதாபாத்திரத்தில் வெங்கடேஷ் நடிக்கவுள்ளதாக கூறப்படுகிறது. இந்த படத்தை யார் இயக்கவுள்ளார் என்ற தகவல் இன்னும் வெளியாகவில்லை. மேலும் விரைவில் இந்த படத்தின் மற்ற அப்டேட் குறித்த தகவல் வெளியாகும் என்று எதிர்பார்க்கப்படுகிறது.

லீக்கான இந்தியன் 2 புகைப்படம்: அதிர்ச்சியில் படக்குழு

முன்னதாக, வெங்கடேஷ் நடிப்பில் தெலுங்கில் சூப்பர் ஹிட்டான 'ஆடவாரி மாட்லாகு அர்த்தலே வேறுலே' படத்தின் தமிழ் ரீமேக்காக வெளிவந்த 'யாரடி நீ மோகினி' படத்தில் தனுஷ் கதாநாயகனாக நடித்திருந்தார். இதைத் தொடர்ந்து தற்போது தனுஷின் சூப்பர் ஹிட் படத்தில் வெங்கடேஷ் ஹீரோவாக நடிக்கவுள்ளார் என்பது குறிப்பிடத்தக்கது.