மணிரத்னத்தின் அடுத்தப் படத்தில் அதர்வா?

சென்னை: கார்த்தி நடித்து வரும் 'காற்று வெளியிடை' படத்தைத் தொடர்ந்து இயக்குனர் மணிரத்னம் இயக்கவிருக்கும் அடுத்தப் படத்தில் அதர்வா நாயகனாக நடிக்க வாய்ப்பிருப்பதாக தகவல் வெளியாகியுள்ளது.

மறைந்த பிரபல நடிகரும், அதர்வாவின் தந்தையுமான முரளி, இயக்குனர் மணிரத்னம் இயக்கத்தில் 'பகல் நிலவு', 'இதய கோவில்' என இரண்டு படங்களில் நடித்திருக்கிறார். தற்போது மணிரத்னம் இயக்கத்தில் அதர்வா நடிக்க வாய்ப்பிருப்பதாக தகவல்கள் வெளியாகியுள்ளன.

தற்போது, காஷ்மீரின் லடாக் பகுதியில் தீவிரமாக நடந்து வரும் 'காற்று வெளியிடை' படப்பிடிப்பை விரைவில் முடித்துவிட்டு படக்குழுவினர் சென்னை திரும்பவுள்ளனர். மெட்ராஸ் டாக்கீஸ் தயாரிக்கும் இப்படத்தில் கார்த்தி, அதித்தி ராவ் ஹிதாரி ஆகியோர் ஜோடி சேர்ந்து நடித்து வருகின்றனர்.