தம்பியுடன் அதுல்யா குடுமிப்பிடி சண்டை: 5 நாள் வீட்டில் இருந்ததற்கே இப்படியா

தமிழ் சினிமாவில் வேகமாக வளர்ந்துவரும் நடிகைகளில் ஒருவர் அதுல்யா. 2017ல் வெளிவந்த கேப்மாரி படத்தின் மூலமாக நடிகையாக அறிமுகம் ஆன அவர் இளம் மத்தியில் அதிகம் பாப்புலர் ஆனார்.

அதன்பிறகு தொடர்ந்து பல படங்களில் நடித்து வருகிறார். ஏமாளி, அடுத்த சாட்டை, கேப்மாரி, நாடோடிகள் 2 என தொடர்ந்து அவர் நடிக்கும் படங்களில் அவரது நடிப்பு பாராட்டும்படியே இருந்து வருகிறது.

சாந்தனு ஜோடியாக அதுல்யா ஒரு படத்தில்நடித்துவருகிறார். அதன் ஷூட்டிங் சில வாரங்கள் முன்பு தான் துவங்கியது . அது தற்போது கொரோனா காரணமாக நிறுத்தி வைக்கப்பட்டுள்ளது.

அதனால் வீட்டிலேயே இருக்கும் அதுல்யா தான் செய்யும் சில விஷயங்களை ட்விட்டரில் பதிவிட்டு வருகிறார். தடை உத்தரவு பிறப்பிக்கப்பட்டு ஐந்தாவது நாளிலேயே அதுல்யா தனது தம்பியுடன் குடுமிப்பிடி சண்டை போட்டுள்ள வீடியோவை வெளியிட்டுள்ளார்.


ஆனால் அது செல்ல சண்டை தான் என அவர் தன் ட்விட்டில் குறிப்பிட்டுள்ளார். "ஐந்தாவது நாளே நானும் என் தம்பியும் சண்டை போடஆரம்பித்துவிட்டோம். குறிப்பு: இது செல்லமான சண்டை தான். குடும்பம் என வந்துவிட்டால் எனக்கு லாஜிக், maturity எதுவுமே இல்லை. நாங்கள் எப்போதுமே இப்படித்தான் விளையாடி சண்டை போடுவோம்" என அதுல்யா கூறியுள்ளார்.

மேலும் சில நாட்கள் முன்பு அதுல்யா வெளியிட்டிருந்த வீடியோவில் தன் அறையை முழுவதும் சுத்தப்படுத்தியதை காட்டியிருந்தார். அனைத்து பொருட்களையும் எடுத்து வைத்து சுத்தப்படுத்தி மீண்டும் ஒழுங்காக அடுக்கிவைத்து வருவதாக கூறிய அவர், அடுத்த நாட்களில் ஒவ்வொரு அறையாக சுத்தப்படுத்தப் போவதாக குறிப்பிட்டிருந்தார்.