என் வாழ்வில் கிடைத்த மிகச்சிறந்த பரிசு நீ: விஜய் பட இயக்குனரின் ரொமாண்டிக் பதிவு!

நடிகர் விஜய்க்கு தொடர்ந்து மூன்று ஹிட் திரைப்படங்களை கொடுத்து கோலிவுட் சினிமாவில் தடம் பதித்ததோடு மட்டுமல்லாமல், நடிகர் விஜய் ரசிகர்களின் பேவரைட் டைரக்டர் என சொல்லப்படும் அளவிற்கு பிரபலமானவர் இயக்குனர் அட்லி. இவர் தற்போது ஷாருக்கான் நடிப்பில் பாலிவுட் படம் ஒன்றை இயக்கி வருகிறார்.

ராஜா ராணி படம் மூலம் தமிழ் சினிமாவில் இயக்குனராக அறிமுகமான அட்லி, அதனை தொடர்ந்து தெறி, மெர்சல், பிகில் ஹிட் படங்களை தனது முன்னணி இயக்குனராக வரிசையில் இடம் பிடித்தார். ஷங்கரின் உதவி இயக்குனர் என்ற அடையாளத்தோடு அறிமுகமான அட்லி, இன்று தனக்கென ஒரு அடையாளத்தோடு வெற்றி இயக்குனராக வலம் வந்து கொண்டிருக்கிறார்.

இந்நிலையில் கடந்த 2014ஆம் ஆண்டு பிரபல தொலைக்காட்சி நடிகை கிருஷ்ணபிரியா என்பவரை அட்லி திருமணம் செய்துகொண்டார். தற்போது தனது மனைவி ப்ரியா அட்லியின் பிறந்தநாளை முன்னிட்டு அட்லி தனது இன்ஸ்டாகிராம் பக்கத்தில் ரொமான்ஸ் மற்றும் நெகிழ்ச்சியுடன் கூடிய ஒரு பதிவை செய்துள்ளார்.

நயன்தாரா -விக்னேஷ் சிவன் படத்தின் ரிலீஸ் தேதி அறிவிப்பு: ரசிகர்கள் உற்சாகம்!
அதில், என் வாழ்க்கையில் கிடைத்த மிகச்சிறந்த பரிசு நீதான். கடவுள் எனக்கு மனைவி மற்றும் மகள் ஆக இருக்கும் தேவதையை அனுப்பியுள்ளார். உனக்கு என்னுடைய இனிய பிறந்தநாள் வாழ்த்துக்கள் என பதிவிட்டுள்ளார். இந்த பதிவிற்கு தற்போது லைக்குகள் குவிந்து வருகின்றன.


அட்லி இயக்கத்தில் கடைசியாக விஜய் நடிப்பில் பிகில் படம் வெளியானது. தற்போது இந்தியில் ஷாரூக் கான் நடிக்கவுள்ள படத்தை இயக்குவதில் மும்முரமாக உள்ளார். இதன் மூலம் பாலிவுட்டில் அறிமுகமாகவுள்ளார் அட்லி. தமிழ், தெலுங்கு, இந்தி உள்ளிட்ட அனைத்து மொழிகளிலும் இந்தப் படத்தை வெளியிடப் படக்குழு முடிவு செய்துள்ளது குறிப்பிடத்தக்கது.