ஹாரர் படத்தின் மூலம் தெலுங்கில் ஸ்கோர் செய்யும் நந்திதா!

தெலுங்கில் உருவாகும் பிரேம கதா சித்ரம் என்ற ஹாரர் படத்தில் முக்கிய கதாபாத்திரத்தில் நடிகை நந்திதா நடிக்கிறார்.

அட்டகத்தி படம் மூலம் தமிழ் திரையுலகில் அறிமுகமான நந்திதா, தற்போது சசிகுமாரின் அசுரவதம் படத்தில் நடித்து வருகிறார். இதனையடுத்து தெலுங்கில் உருவாகும், பிரேம கதா சித்ரம் என்ற ஹாரர் படத்தில் முக்கிய கதாபாத்திரத்தில் நடிக்கிறார் நந்திதா.

காமெடி கலந்த ஹாரர் கதையாக உருவாகும் இந்த படத்தில் நடிப்பதற்காக தற்போது, ஐதராபாத்தில் முகாமிட்டுள்ளார் நந்திதா. இதுவரை எந்த படத்திலும் காமெடி ரோலில் தனக்கு ஸ்கோர் பண்ண பெரிதாக வாய்ப்பு கிடைக்காததால் இந்த படத்தில் பெரிய அளவில் தனது காமெடி திறமையை வெளிப்படுத்தி தெலுங்கு சினிமாவில் ஒரு நிலையான இடத்தை பிடிப்பதில் உறுதியாக இருக்கிறார் நந்திதா. இவர் ஏற்கெனவே எக்கடி போத்தவு சின்னவட -என்ற தெலுங்கு பட்த்தில் நடித்துள்ளது குறிப்பிடத்தக்கது