மலேசியாவில் வெளியாகும் 'சென்னை 28-II' இசை மற்றும் டிரைலர்

சென்னை: இயக்குனர் வெங்கட் பிரபு இயக்கத்தில் உருவாகி வரும் 'சென்னை 28-II' படத்தின் இசை மற்றும் டிரைலரை மலேசியாவில் வெளியிடவுள்ளனர்.

மலேசியாவின் கோலாலம்பூர் நகரில் உள்ள மெகாஸ்டார் அரேனாவில் வருகிற அக்.7 ஆம் தேதி மாலை 7 மணிக்கு இசை மற்றும் டிரைலரை வெளியிடவிருப்பதாக தெரிவிக்கப்பட்டுள்ளது. இப்படத்தின் 'பாய்ஸ் ஆர் பேக்' மற்றும் 'சொப்பன சுந்தரி' பாடல் சிங்கிள் டிராக் ரசிகர்கள் மத்தியில் நல்ல வரவேற்பை பெற்ற நிலையில் யுவன் ஷங்கர் ராஜா இசையமைத்துள்ள மற்ற பாடல்கள் கோலாலம்பூர் நிகழ்ச்சியில் வெளியிடப்படும் என தெரிவிக்கப்பட்டுள்ளது.

தமிழ் சினிமாக்களுக்கு பொதுவாகவே மலேசியாவில் நல்ல வரவேற்பு உள்ளது. தமிழ் நாட்டை போலவே தமிழ் படங்களுக்கு ரசிகர்கள் உற்சாக வரவேற்பளித்து வருகின்றனர். இந்நிலையில், பல்வேறு படங்கள் மலேசியாவில் படமாக்கப்பட்டு, அங்கு புரமொஷனும் செய்யப்பட்டு வருகிறது.

இந்நிலையில், தற்போது வெங்கட் பிரபுவின் 'சென்னை 28-II' படத்தின் இசை மற்றும் டிரைலர் வெள்யீட்டு விழா மலேசியாவில் நடைபெறவுள்ளதை இயக்குனர் அதிகார்பபூர்வமாக அறிக்கை வெளியிட்டுள்ளார். இப்படம் வருகிற நவம்பர் 11ஆம் தேதி வெளியாகவுள்ளது.