விஜய்யை தொடர்ந்து தனுஷுடன் இணைகிறாரா விஜய் சேதுபதி? கிளப்பி விடுறது தனுஷ் ஃபேன்ஸ் !

மலையாளத்தில் சமீபத்தில் வெளியாகி ஹிட் ஆன படத்தில் விஜய் சேதுபதியும், தனுஷும் இணைந்து நடிக்கவுள்ளதாக தகவல்கள் பரவி வருகின்றன. இதற்கு காரணம், இந்த படத்தின் ரீமேக் உரிமையை பிரபல தயாரிப்பாளரான கதிரேசன் பெற்றிருக்கிறார்.

கதிரேசன் ஆடுகளம், ஜிகர்தண்டா உள்ளிட்ட படங்களை தயாரித்தவர். இவர் மலையாளத்தில் ஹிட்டான அய்யப்பனும் கோஷியும் படத்தை தமிழில் தயாரிக்கவுள்ளார். இந்த படம் குறித்த அதிகாரப்பூர்வ தகவல்கள் விரைவில் வெளிவரும். இவ்வளவுதான் செய்தி. இதை தெரிந்துகொண்ட தனுஷ் ரசிகர்கள் , தமிழ் படத்தில் யார் யார் நடிப்பார்கள் எனும் புதிய கணக்கு ஒன்றை கூறி வருகிறார்கள்.

அய்யப்பனும் கோஷியும் படத்தில் ப்ரித்விராஜின் நடிப்பு மிகவும் பேசப்பட்டது. இந்த கதாபாத்திரத்தில் நடிகர் தனுஷ் நடித்தால் நன்றாக இருக்கும் என பேசப்படுகிறது. அது மட்டுமில்லாமல், தனுஷ் கதிரேசனுக்கு ஏற்கனவே ஆடுகளம் எனும் சூப்பர் ஹிட் படத்தை தந்தவர். மேலும் இப்போதுள்ள நடிகர்களுள் நடிப்புக்கு ஸ்கோப் இருக்கும் படங்களில் நடித்து வருவதும் தனுஷ்தான். அவருக்கு இந்த கதாபாத்திரம் கிடைத்தால் மாஸ் பண்ணிவிடுவார் என்கிறார்கள்.


விஜய் சேதுபதி

பிஜு மேனன் நடித்த கதாபாத்திரத்தில் விஜய் சேதுபதி நடித்தால் நன்றாக இருக்கும் எனவும் கருத்துகளை தெரிவித்து வருகின்றனர் ரசிகர்கள்.

தனுஷ் - விஜய் சேதுபதி நடிப்பில் இந்த படம் உருவாகும் என ரசிகர்கள் கூறி வருவது அதிகாரப்பூர்வமற்ற ஒரு புரளி செய்தி தான் என்பது ஒரு புறம் இருக்க, ஒருவேளை உண்மையிலேயே சேர்ந்து நடித்தால் படம் பட்டாசாக இருக்கும்தான்.



விஜய் சேதுபதி மற்ற நடிகர்களோடு நடிப்பதில் தயக்கம் காட்டாதவர். தனக்கான கதாபாத்திரத்தின் முக்கியத்துவத்தை பொறுத்தே நடிப்பார் என்பது அனைவருக்கும் தெரிந்த செய்திதான். அய்யப்பனும் கோஷியும் படத்தில் வரும் குறிப்பிட்ட கதாபாத்திரமும் மிகவும் அழுத்தமானதுதான். ஆனால் இந்த படத்தில் நடிக்க தனுஷ் ஒப்புக் கொள்வாரா என்பதுதான் சந்தேகம்.

தயாரிப்பாளர் கதிரேசன் இப்போதுதான் படத்தின் ரீமேக் உரிமையை வாங்கியிருப்பதாக செய்தி வெளியாகியுள்ளது. அதுக்குள்ள என்ன அவசரம். பொறுமை. அவரே அறிவிப்பார் காத்திருப்போம்.