இணையத்தில் வெளியானது பாகுபலி 2!

பாகுபலி 2 தமிழ் திரைப்படம் சட்டவிரோதமாக இணையத்தில் வெளியாகியுள்ளது.

உலகமே ஆவலுடன் எதிர்பார்த்த பாகுபலி படத்தின் 2ஆம் பாகம் நாடு முழுவதும் இன்று காலை வெளியானது. தமிழில் மட்டும் படம் வெளியாகாத நிலையில் மற்ற மொழிகளில் படம் வெளியானது. தமிழ் திரைப்பட விநியோகஸ்தர்கள் படம் வெளியிடுவது குறித்து பேச்சுவார்த்தை நடத்திவருகின்றனர். இதனால் காலை 8 மணிக்கு வெளியாக இருந்த காட்சி ரத்து செய்யப்பட்டுள்ளது.

தமிழில் 11 மணிக்கு முதல் காட்சி வெளியாகும் என்று எதிர்பார்க்கப்பட்டுள்ளது. இந்நிலையில் பாகுபலி 2 படத்தின் தமிழ் வெர்ஷன் இணையத்தில் வெளியாகியுள்ளது. சட்டவிரோதமாக இணையதளத்தில் பாகுபலி 2 திரைப்படம் வெளியாகியுள்ளதால் படக்குழுவினர் அதிர்ச்சி அடைந்துள்ளனர். மிகுந்த பொருட்செலவில், ஆயிரக்கணக்கானவர்களின் உழைப்பில் உருவாகியுள்ள பாகுபலி திரைப்படம் படம் வெளியான முதல் நாள் காலையே இணையத்தில் வெளியாகியிருப்பது கடும் அதிர்ச்சியை ஏற்படுத்தியுள்ளது.