இதுக்கு ஒரு முடிவே இல்லையா! தைவானில் வரும் 30ல் பாகுபலி2 ரிலீஸ்!

பிரபாஷ் & அனுஷ்கா நடித்த ‘பாகுபலி 2’ பிரம்மாண்ட படம் தைவானில் 30ம் தேதி வெளியாகவுள்ளது.

‘பாகுபலி 2’ படம் தமிழ், தெலுங்கு, இந்தி, மலையாளம் என நான்கு மொழிகளில் வெளியாகி சுமார் 1700 கோடியை வசூலித்து வருகிறது. இப்படம் கடந்த ஏப்ரல் மாதம் 28ம் தேதி வெளியானது. படம் வெளியான அனைத்து நாடுகளிலுமே இப்படத்திற்கு நல்ல வரவேற்பும் வசூலும் கிடைத்தது.



முதல் கட்டமாக 30ம் தேதி தைவான் நாட்டில் இப்படம் வெளியாக உள்ளது. ‘பாகுபலி’ படத்தின் முதல் பாகம் சீனா மற்றும் தைவான் நாட்டில் வெளியிடப்பட்ட போது பெரிய வரவேற்பு கிடைக்கவில்லை. அந்தக் குறையை ‘பாகுபலி 2’ போக்கிவிடும் என்ற எதிர்பார்ப்பு எழுந்துள்ளது.’பாகுபலி 2’ படம் தைவான் நாட்டில் வெளியான பிறகு அடுத்து சீன நாட்டில் அதிகமாக விளம்பரப்படுத்தி வெளியிட உள்ளதாகச் செய்திகள் வெளியாக உள்ளது. அங்கு வசூலில் சாதனை புரிந்தால் தான், ‘தங்கல்’ படத்தின் வசூல் சாதனையை ‘பாகுபலி 2’ படத்தால் முறியடிக்க முடியும்.