நடிகர் சத்யராஜால் ‘பாகுபலி 2’ படத்திற்கு சிக்கலா?

நடிகர் சத்யராஜின் பேச்சால் ‘பாகுபலி 2’ படம் கர்நாடகாவில் வெளியாவதில் சிக்கல் வரலாம் என்ற தகவல் வெளியாகியுள்ளது.

பிரமாண்ட செலவில் ராஜமௌலி இயக்கியுள்ள பாகுபலி படத்தின் இரண்டாவது பாகம் அடுத்த மாதம் வெளியாகவுள்ள நிலையில் அதற்கு ஒரு பெரிய சிக்கல் வந்துளளது. படத்தை கர்நாடகாவில் வெளியிட விடமாட்டோம் என சில அரசியல் கட்சிகள் போர்க்கொடி தூக்கி இருப்பதாக தகவல் வெளியாகியுள்ளது. இதற்கு காரணம் நடிகர் சத்யராஜ் இந்தப் படத்தில் நடித்து இருப்பதுதான் காரணம் என்று கூறப்படுகிறது.

காவிரி நதிநீர் பிரச்சனை பற்றி சத்யராஜ் கடுமையாக பல முறை கர்நாடகத்தை விமர்சித்து பேசியுள்ளார், அதற்கெல்லாம் அவர் மன்னிப்பு கேட்க வேண்டும் எனவும் போராட்டக்காரர்கள் கூறுகின்றனர். இந்த சர்ச்சை வரும் நாட்களில் விஸ்வரூபம் எடுக்கும் எனக் கூறப்படுகிறது.

ஏற்கனவே பாகுபலி ட்ரைலர் வெளியான அன்று கன்னட அமைப்புகளின் போராட்டத்தால் அங்கு எந்த தியேட்டரிலும் ட்ரைலர் திரையிடப்படவில்லை என்பது குறிப்பிடத்தக்கது.

Bacause of Sathyaraj Baahubali 2 is facing big problem