6000 பெண்களை மட்டுமா பிரபாஸ் இழந்தார்... ரூ. 18 கோடியும் இழந்தார்!! எதற்கு?

நடிகர் பிரபாஸ் பாகுபலி 2 படத்திற்காக 6000 மணப்பெண்களை மட்டும் விட்டுக் கொடுக்கவில்லை, விளம்பரத்தில் நடிக்க வந்த வாய்ப்புகளையும், அதனால் ரூ. 18 கோடியையும் இழந்துள்ளார்.

பாகுபலி 2 திரைப்படம் உலகம் முழுவதும் வெளியாகி கடந்த 2 வாரங்களில் மட்டும் 1000 கோடி ரூபாய்க்கும் மேல் வசூலில் அசத்தியுள்ளது. இந்தப் படம் 2000 கோடி ரூபாய் வரை வசூலிக்கும் என்ற எதிர்பார்ப்பும் வெளியாகி வருகிறது. பிரபாஸ் இன்று இந்தியாவில் முன்னணி நடிகர்களில் ஒருவராக அவதாரம் எடுத்துள்ளார்.

இந்தப் படத்தில் நடித்துக் கொண்டு இருக்கும்போது, தன்னை தேடி வந்த 6000 மணப்பெண்களை பிரபாஸ் ஒதுக்கினார் என்று செய்தி வெளியாகி இருந்தது. இது மட்டுமல்ல. இந்தப் படத்தில் நடித்துக் கொண்டு இருக்கும்போது, பல்வேறு விளம்பர நிறுவனங்களில் இருந்து இவரை அணுகியுள்ளனர். இதன் மூலம் இவருக்கு கிடைக்க இருந்த ரூ. 18 கோடி வருமானத்தையும் இழந்தார்.

இந்த செய்தியை அவரது செய்தி தொடர்பாளரே வெளியிட்டுள்ளார். இவரை பல்வேறு ஆடை மற்றும் காலணி நிறுவனங்கள் அணுகியுள்ளன.

தற்போது முன்னணி வாகன நிறுவனத்துக்கு மட்டும் அனுமதி வழங்கியுள்ளாராம். அமெரிக்காவில் பயணம் மேற்கொண்டிருக்கும் பிரபாஸ் இந்தியா திரும்பிய பின்னர்தான் இந்த விளம்பரங்களை ஏற்றுக் கொள்வாரா? மாட்டாரா? என்பது தெரிய வரும். மேலும், தற்போது மூன்று மொழிகளில் இயக்கவுள்ள ''சாஹோ'' படத்தில் நடிக்க பிரபாஸ் ஒப்பந்தமாகியுள்ளார். இதில் மட்டுமே பிரபாஸ் கவனம் செலுத்த முடிவு செய்து இருப்பதாகவும், மேலும் பாலிவுட் இயக்குனர்கள் மற்றும் தயாரிப்பாளர்களிடம் இருந்து வாய்ப்புகள் குவிந்து வருவதாகவும் செய்தி வெளியாகியுள்ளது.

Bahubali actor Prabhas rejected brand endorsement worth Rs 18 crore!!