திலீப்பிற்கு கோர்ட் ஜாமின் மறுப்பு!

கவுதம் கார்த்தி நடித்த ‘இவன் தந்திரன்’ தெலுங்கிலும் ரீமேக்காகவுள்ளது.

தமிழில் நல்ல வரவேற்பைப் பெற்ற படம் ‘இவன் தந்திரன்’. இந்தப் படம் தற்போது தெலுங்கிலும் ரீமேக்காகவுள்ளது. தெலுங்கிலும் படத்தை கண்ணனே இயக்கவுள்ளார்.

தமிழில் இயக்குனர் கண்ணன் இயக்கத்தில் கவுதம் கார்த்திக், ஷ்ரதா ஸ்ரீநாத், ஆர்.ஜே.பாலாஜி உள்ளிட்ட பலர் நடிப்பில் வெளியன படம் ‘இவன் தநதிரன்’. இந்தப் படத்தை இயக்குனர் கண்ணன் மற்றும் ராம்பிரசாத் இணைந்து தயாரித்தனர். படத்தை தனஞ்ஜெயன் வெளியிட்டுள்ளார். ஜூன் 29-ம் தேதி வெளியான இப்படம் விமர்சன ரீதியாக பெரும் வரவேற்பைப் பெற்றது. ஜிஎஸ்டி வரி போக, தமிழக அரசு நகராட்சி வரியும் சேர்த்திருப்பதால் தமிழக திரையரங்கு உரிமையாளர்கள் நடத்திய போராட்டத்தால் இப்படத்துக்குப் பாதிப்பு உண்டானது. போராட்டம் முடிவுக்கு வந்தவுடன் மீண்டும் திரையரங்குகளில் திரையிடப்பட்டு வருகிறது.

இந்நிலையில், இப்படத்தின் தெலுங்கு ரீமேக் உறுதியாகியுள்ளது. தெலுங்கு ரீமேக்கையும் இயக்குனர் கண்ணனே இயக்குகிறார். இந்தப் படத்தில் நடிக்க நடிகர், நடிகைகள் தேர்வு மும்முரமாக நடந்து வருகிறது. இந்தப் படத்தின் தெலுங்கு ரீமேக் குறித்து அதிகாரபூர்வ அறிவிப்பு விரைவில் வெளியாகும்.