‘அநீதிக் கதைகள்’ படத்தில் விஜய் சேதுபதியுடன் பகத் பாசில்!

நடிகர் விஜய் சேதுபதி நடிக்க விருக்கும் ‘அநீதிக் கதைகள்’ படத்தில் பகத் பாசிலும் நடிக்கவுள்ளார்.

தற்போது நடிகர் சேதுபதி குறுகிய காலத்தில் அதிக படங்களில் நடித்து வரும் நடிகராக இருந்து வருகிறார். வித்தியாசமான தலைப்புகள் அமைவது விஜய் சேதுபதிக்குத்தான். ஆரம்பத்திலிருந்தே இவரது படங்களின் தலைப்புகள் வித்தியாசமாக அமைந்துள்ளன.

.முதலில் ‘நடுவுல கொஞ்சம் பக்கத்தக் காணோம்’, ‘சூது கவ்வும்’, ‘இதற்காகத்தானே ஆசைப்பட்டாய் பாலகுமாரா’, ‘காதலும் கடந்து போகும்‘ போன்ற தலைப்புகளைத் தொடர்ந்து, இவரது அடுத்த படத்துக்கு வைக்கப்பட்டுள்ள தலைப்புதான் ‘அநீதிக் கதைகள்’

இந்தப் படத்தில் விஜய் சேதுபதி நாயகனாகவும், சமந்தா நாயகியாகவும் நடிக்கிறார். மேலும் படத்தில் நடிகர் பகத் பாசிலும் நடிக்கிறார். இயக்குனர் மிஷ்கின் முக்கிய வேடத்தில் இந்தப் படத்தில் நடிக்கிறார். படத்தை தியாகராஜன் குமாரராஜா இயக்குகிறார். படத்திற்கு பிசி ஸ்ரீராம் ஒளிப்பதிவு செய்கிறார். யுவன் சங்கர் ராஜா இசையமைக்கிறார். படப்பிடிப்பு விரைவில் தொடங்கவுள்ளது.