திருமணத்திற்கு தயாராகும் பாவனா!

நடிகை பாவனா கன்னட தயாரிப்பாளர் ஒருவரை மணக்கவிருப்பதாக செய்தி வெளியாகி உள்ளது.

பிரபல மலையாள நடிகையான பாவனா தமிழை விட மலையாளத்தில் அதிக படங்களில் நடித்துள்ளார். தமிழில் ஒரு சில படங்களில் நடித்துள்ளார். தமிழில் மிஷ்கின் இயக்கத்தில் ‘சித்திரம் பேசுதடி’ படம் மூலம் அறிமுகமானார். அடுத்ததாக அஜீத்துக்கு ஜோடியாக ‘அசல்’ படத்தில் நடித்து தமிழில் பிரபலமானார். தொடர்ந்து ‘தீபாவளி’, ‘வெயில்’, ‘ஜெயம் கொண்டான்’, ‘ராமேஸ்வரம்‘ என்று பல படங்களில் தொடர்ந்து நடித்துள்ளார்.

தமிழ் படங்களை அடுத்து, நடிகை பாவனா மீண்டும் மலையாள திரையுலகில் தஞ்சமடைந்தார். இந்த நிலையில் நடிகை பாவனா காதலில் சிக்கியதாக திரையுலகில் கிசு கிசு கிளம்பியது. அதை அப்போது மறுத்து வந்த பாவனா தற்போது காதலை வெளிப்படையாக மனம் திறந்து கூறினார்.

இதுகுறித்து அவர் கூறுகையில் ‘‘நானும் கன்னட தயாரிப்பாளர் ஒருவரும் பல ஆண்டுகளாக காதலித்து வருகிறோம். கடந்த 2014ம் ஆண்டே எங்கள் திருமணம் நடக்க வேண்டியது. எனக்கு தொடர்ந்து படப்பிடிப்பு இருந்ததால் திருமணம் தள்ளிபோனது. அதற்கான தருணம் இப்போது வந்துள்ளது. எனவே இப்போது நாங்கள் திருமணம் செய்வதில் உறுதியாக இருக்கிறோம். இந்த வருடம் கண்டிப்பாக எங்கள் திருமணம் நடைபெறும். எனது காதலன் பெயர் மற்றும் விவரங்களை இப்போது வெளியிட விரும்பவில்லை. அதற்கான காலம் வரும் போது அனைவருக்கும் அவரை அறிமுகப்படுத்துவேன்’’ என்றார் பாவா.