வெளிநாட்டில் நடைபெறும் இசைநிகழ்ச்சியில் பங்குபெறும் பிக்பாஸ் பிரபலங்கள்!

சிங்கப்பூர், மலேசியாவில் நடைபெறும் கலைநிகழ்ச்சியில் பிக்பாஸ் பிரபலங்கள் பலரும் கலந்து கொள்ளவுள்ளனர்.

பிரபல தொலைக்காட்சியில் ஒளிபரப்பான பிக்பாஸ் நிகழ்ச்சியில் கலந்து கொண்டவர்கள் ஓவியா, ஜூலி, ரைசா வில்சன், சுஜா வருணி, சினேகன் உட்பட பலர். இவர்கள் அனைவரும் பங்குபெறும் இசை எஃப்.எம். இசை திருவிழா நிகழ்ச்சி மலேசியா, சிங்கப்பூர் ஆகிய இடங்களில் நடைபெறவுள்ளது. இந்த இசை நிகழ்ச்சி வரும் 17ம் தேதி மலேசியா கோலாலம்பூரில் உள்ள ஸ்டார் எஸ்போ கேடபுள்யூசி ஃபேஷன் மால் மற்றும் அதன் மறுநாள் சிங்கப்பூரில் சன்டெக் கன்வென்ஷன் ஹாலில் நடைபெறுகிறது.

சிங்கப்பூரிலும், மலேசியாவிலும் ஓவியாவை பார்க்க அவரது ரசிகர்கள் ஆவலாக இருக்கின்றனர். அதேசமயம் ஓவியா இசை நிகழ்ச்சியில் பாடுவரா என்பது தெரியவில்லை.