பிக்பாஸ் நிகழ்ச்சியின் ஒவ்வொரு எபிசோடுக்கு ரூ 11 கோடி சம்பளம் வாங்குகிறாரா பிரபல நடிகர்?

பிக் பாஸ் நிகழ்ச்சி தமிழில் அறிமுகமாகி மக்கள் மத்தியில் பெரும் வரவேற்பை பெற்றுள்ளது. இந்நிலையில் பிக் பாஸ் பிரபலத்துக்கு ரூ. 11 கோடி சம்பளமாக வழங்கப்படுவதாக தகவல் பரவியுள்ளது.

ஹிந்தியில் கொடிகட்டி பறக்கும் பிக் பாஸ் நிகழ்ச்சியின் 11வது சீசன் அக்டோபர் 1ம் தேதி முதல் தொடங்கப்பட உள்ளது. இந்த போட்டிக்கான அறிமுக விழா கடந்த செவ்வாய் கிழமை நடந்தது. அதில், போட்டியை தொகுத்து வழங்கும் சல்மான் கானுக்கு ஒவ்வொரு எபிசோடுக்கும் ரூ. 11 கோடி சம்பளம் வழங்கப்படுகிறதாமே என பத்திரிக்கையாளர்கள் கேள்வி எழுப்பினர்.

அதற்கு பதிலளித்த, எண்டிமோல் நிறுவன தலைவரும், நிகழ்ச்சி தயாரிப்பாளருமான ராஜ் நாயக், “அவ்வளவு பெரிய தொகை எல்லாம் இல்லை. இருந்தாலும் இவ்வளவு பெரிய ஸ்டார் தொகுத்து வழங்க சிறிய தொகை கொடுக்க முடியாது. இருப்பினும், நீங்கள் அனுமானம் ஒத்துப்போக சிறிய இடைவெளி தான் உள்ளது.” என தெரிவித்துள்ளார்.
இதன் மூலம் சல்மான் கானுக்கு 11 கோடி சம்பளம் என்பது வதந்தி என தெரிந்தாலும், அதற்கு சற்று குறைவாக தான் ஒவ்வொரு எபிசோடுக்கும் வாங்க உள்ளார் என்பது தெரிகிறது.