Kavin: கேவலமான கேமா ஆடுற?: கவினை சப்புன்னு அறைந்த நண்பர்

பிக் பாஸ் 3 வீட்டில் உள்ள போட்டியாளர்களை பார்க்க அவர்களின் குடும்பத்தார் வந்து கொண்டிருக்கிறார்கள். இந்நிலையில் இன்று கவினை பார்க்க அவரின் நண்பர் வந்துள்ளார்.

கவினின் நண்பர் வந்துள்ளது குறித்து ப்ரொமோ வீடியோ வெளியிட்டுள்ளனர். அந்த வீடியோவில் கவினிடம் அவரின் நண்பர் கூறியதாவது,

கடமை பாக்கி இருக்கு, நான் கிளம்ப வேண்டிய நேரம் வந்துவிட்டது என்று நினைக்கிறேன். இவ்வளவு கேவலமாக நீ ஆடின கேமுக்கு, நீ மட்டமாக ஒரு விஷயம் பண்ணியதற்கு, உன்னை நம்பியவர்களை கைவிட்டதற்கு, இங்குள்ள அனைவரின் மனதையும் காயப்படுத்தியதற்கு நான் இப்போ ஒன்னு செய்யலாம்னு இருக்கிறேன்.

டைட்டில் ஜெயித்துவிட்டு, நீ பெரிய ஆளாகிவிட்டால் என்னை ஸ்டேஜில் கூப்பிட்டு திருப்பி அடிச்சுக்கோ என்று கூறி கவினை ஓங்கி கன்னத்தில் அறைந்தார். அதை பார்த்த வனிதா உள்ளிட்ட சக போட்டியாளர்கள் அதிர்ச்சி அடைந்தனர்.


கவினை பிடிக்காத பார்வையாளர்களோ, ஏம்பா அறைந்தது தான் அறைந்த நாலு விட்டிருக்கலாம் அல்லவா என்று கேள்வி எழுப்பியுள்ளனர். கவின் அறை வாங்கியதை பார்த்து அதிர்ச்சி அடைந்தவர்களை விட மகிழ்ச்சி அடைந்தவர்களே அதிகம் போன்று.

இது கவினின் நண்பரை தவிர வேறு யாராவது செய்திருந்தால் அவரின் ஆதரவாளர்கள் இல்லாத சீன் போட்டிருப்பார்கள். குழந்தைகள் பார்க்கும் நிகழ்ச்சியில் இது போன்ற வன்முறை இருக்கக் கூடாது என்று பார்வையாளர்கள் தெரிவித்துள்ளனர்.

நண்பன் பேச்சை கேட்டு கவின் இனியாவது மாற வேண்டும். கவின் ஒன்றும் கெட்டவர் இல்லை. அவர் வேண்டும் என்றே அப்படி எல்லாம் நடக்கவில்லை. பிக் பாஸ் கொடுத்த ஸ்க்ரிப்ட் படி தான் நடக்கிறார் என்று அவரின் ஆதரவாளர்கள் கூறியுள்ளனர்.