பிக் பாஸ் ஆரவுக்கு கல்யாணமாம்: பொண்ணு ஓவியா இல்லை, எந்த நடிகைனு தெரியுமா?

தமிழ் பிக் பாஸ் நிகழ்ச்சியின் முதல் சீசனில் கலந்து கொண்டு டைட்டிலை வென்றவர் ஆரவ். பிக் பாஸ் வீட்டில் இருந்தபோது அவருக்கும், ஓவியாவுக்கும் இடையே காதல் ஏற்பட்டது. பிக் பாஸ் வீட்டில் அவர்களுக்கு இடையே பிரச்சனை ஏற்பட்டாலும் அதன் பிறகு சமாதானம் ஆகிவிட்டார்கள்.

ஆரவும், ஓவியாவும் ஜோடியாக ஊர் சுற்றினார்கள். அவர்கள் ஜோடியாக வெளிநாட்டிற்கு சென்றபோது எடுக்கப்பட்ட புகைப்படங்கள், வீடியோக்கள் சமூக வலைதளங்களில் வெளியாகி ரசிகர்களை கவர்ந்தது. ஆரவ் நடித்த ராஜபீமா படத்தில் ஒரு பாடலுக்கு ஓவியா நடனமாடினார்.

ஆரவும், ஓவியாவும் திருமணம் செய்து கொள்ளாமல் லிவ் இன் முறைப்படி வாழ்வதாக கூறப்பட்டது. ஆனால் ஆரவ் தன் நண்பர் மட்டுமே என்றும், திருமணத்தின் மீது தனக்கு நம்பிக்கை இல்லை என்றும் ஓவியா தெரிவித்தார். அதன் பிறகு ஆரவும், ஓவியாவும் பிரிந்துவிட்டதாக பேச்சு கிளம்பியது.

இந்நிலையில் ஆரவுக்கு திருமணம் நிச்சயிக்கப்பட்டுள்ளதாம். கவுதம் மேனனின் ஜோஷ்வா இமை போல் காக்க படம் மூலம் நடிகையாகும் ராஹீ என்பவரை தான் ஆரவ் திருமணம் செய்து கொள்ளப் போகிறாராம். அவர்களின் திருமணம் செப்டம்பர் மாதம் 6ம் தேதி சென்னையில் இருக்கும் பெரிய ஹோட்டல் ஒன்றில் நடக்கவிருக்கிறதாம்.

இந்த தகவல் அறிந்த ஓவியா ரசிகர்கள் அதிர்ச்சி அடைந்துள்ளனர். ஆரவ், ஓவியா இடையே ஏதோ ஊடல் என்று நினைத்தால் நிஜமாகவே பிரேக்கப்பா என்று கேள்வி எழுப்பியுள்ளனர். ஆரவின் திருமண விஷயம் ஓவியாவுக்கு ஏற்கனவே தெரியும் போன்று, அதனால் தான் சோகமாக ட்வீட் செய்து வருகிறார் என்று ரசிகர்கள் தெரிவித்துள்ளனர்.

பிக் பாஸ் நிகழ்ச்சிக்கு பிறகு ஆரவ் கோலிவுட்டில் ஹீரோ அவதாரம் எடுத்தார். ஆனால் அவர் கெரியர் இன்னும் பிக்கப் ஆகாமலேயே இருக்கிறது. பிக் பாஸ் நிகழ்ச்சி மூலம் வாய்ப்பு கிடைத்தாலும் பெரிய ஆளாக முடியாது என்கிற பேச்சு உள்ளது. அது உண்மை என்பது போன்று தான் ஆரவ் மற்றும் ஓவியாவின் கெரியர் இருக்கிறது.

பிக் பாஸ் நிகழ்ச்சி மூலம் ஓவியா அளவுக்கு யாரும் பெரிய அளவில் பிரபலமாகியிருக்க முடியாது. அந்த ஓவியாவின் கெரியரே பிக் பாஸ் நிகழ்ச்சிக்கு பிறகு பிக்கப் ஆகவில்லை. தற்போது கேரளாவில் இருக்கும் ஓவியா பிக் பாஸ் நிகழ்ச்சி குறித்து போட்ட ட்வீட்டுகள் பலரையும் வியக்க வைத்தது.

Oviya என்டமோல் ஷைன் குரூப்பை எதிர்த்து என்னால் ஜெயிக்க முடியாது: ஓவியா

பிக் பாஸ் வீட்டில் போட்டியாளர்கள் டார்ச்சர் செய்யப்படுவதாக ஓவியா தெரிவித்தார். மேலும் பிக் பாஸ் நிகழ்ச்சி ஏற்பாட்டாளர்களுடன் மோதி தன்னால் ஜெயிக்க முடியாது என்றார் என்பது குறிப்பிடத்தக்கது.