பிக் பாஸ் புகழ் சுஜா வருணி மருத்துவமனையில் அனுமதி!

கடந்த 2017ம் ஆண்டு தனியார் தொலைக்காட்சியில் ஒளிபரப்பான பிக் பாஸ் நிகழ்ச்சியின் மூலம் மிகவும் பிரபலமானவர் நடிகை சுஜா வருணி. என்னதான் சினிமாவில் நடித்திருந்தாலும் சொல்லிக் கொள்ளும்படி ஒரு படமும் இல்லை. அண்மையில் வெளியான சத்ரு படத்தில் வில்லி போன்ற ஒரு ரோலில் நடித்திருந்தார். இந்த நிலையில், சிங்கக் குட்டி என்ற படத்தின் மூலம் அறிமுகமான சிவாஜியின் பேரன் சிவாஜி தேவ் என்ற சிவக்குமாரை கடந்த ஆண்டு நவம்பர் 19ம் தேதி காதல் திருமணம் செய்து கொண்டார்.

திருமணமான ஒரு சில மாதங்களில் சுஜா கர்ப்பமாக இருப்பதாக இன்ஸ்டாகிராம் பதிவிட்டார். இதற்கு சிவக்குமார், நான் அப்பாவானது பெருமையாக இருக்கிறது. என் குழந்தைக்காக காத்துக்கொண்டிருக்கிறேன் என்று பதிவிட்டிருந்தார். இதையடுத்து கடந்த ஜூன் மாதம் வளைகாப்பு நிகழ்ச்சி நடந்துள்ளது. அப்போது எடுத்துக்கொண்ட புகைப்படங்களை சுஜா வருணி இன்ஸ்டாகிராம் பக்கத்தில் பதிவிட்டு, இதெல்லாம் உங்களுக்கு பிடிக்கும் என்று நம்புகிறேன். இதற்கு எந்தவொரு கேப்சனும் தேவையில்லை என்று நினைக்கிறேன். இது நான் எவ்வளவு பாதுகாப்பாக இருக்கிறேன் என்பதை காட்டுகிறது. அன்பான கணவருடன் வாழும் போது எனது 12 வருட காதலை இப்பொழுது காண முடிந்தது என்று குறிப்பிட்டுள்ளார் என்பது குறிப்பிடத்தக்கது.

மேலும் படிக்க: Dhruv: விக்ரமைப் பின்பற்றும் துருவ் விக்ரம் எதில் தெரியுமா?

Also Read: Keerthy Suresh: கால்பந்தின் பொற்காலங்களில் சொல்லப்படாத கதை: இந்தியாவுக்கு பெருமை சேர்க்கும் போனி கபூர்!

இதையும் படிங்க: Indian 2: இந்தியன் 2 படத்தில் புதிதாய் இணைந்த ஹீரோயின்!

இந்த நிலையில், சுஜா வருணி மகப்பேறுக்காக மருத்துவமனையில் அனுமதிக்கப்பட்டுள்ளார் என்று அவரது கணவர் சிவக்குமார் தகவல் தெரிவித்துள்ளார். இதற்கு முன்னதாக கடந்த ஜூன் மாதம் பிக் பாஸ் நிகழ்ச்சியில் கலந்து கொண்ட நடிகர் கணேஷ் வெங்கட்ராமன் – நிஷா தம்பதியினருக்கு அழகான பெண் குழந்தை பிறந்தது.