தெலுங்கு மொழியில் குணச்சித்திர நடிகையாக திகழ்பவர் நடிகை கராத்தே கல்யாணி. சங்கர்தாதா எம்.பி.பி.எஸ், லீலா மஹால் சென்டர், சத்ரபதி, நேனு லோக்கல், குண்டூர் டாக்கீஸ் உள்ளிட்ட பல படங்களில் நடித்துள்ளார். மேலும், இவர் தெலுங்கில் பல சீரியல்களில் நடித்து இருக்கிறார். அதுமட்டுமில்லாமல் தெலுங்கு பிக்பாஸ் நிகழ்ச்சியிலும் கலந்து கொண்டுள்ளார்.
கடந்த வருடம் தான் இவர் பாஜகவில் இணைந்தார். சமீப காலமாக சமூக வலை தளங்களில் ஏதாவது கருத்து தெரிவித்து சர்ச்சையில் சிக்கி வருவதை வழக்கமாக வைத்திருக்கிறார் கல்யாணி. இந்நிலையில் யூடியூபர் ஒருவரை இவர் அறைந்த சம்பவம் தற்போது சோசியல் மீடியாவில் பயங்கர சர்ச்சையை ஏற்படுத்தியுள்ளது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பிராங்க் வீடியோக்கள் மூலம் யூடியூபில் பிரபலமானவர் ஸ்ரீகாந்த் ரெட்டி. இவர் கடந்த வியாழக்கிழமை அன்று ஹைதராபாத் அருகிலுள்ள யூசுப்குடா பகுதிக்கு வந்த போது, அவரை பார்த்த நடிகை கல்யாணி ஆத்திரம் அடைந்து பேசியுள்ளார். அப்போது அவர் உங்கள் சேனலில் பெண்களை ஏன் யூடியூப் சேனலில் தவறாக பேசுகிறீர்கள்? என கேட்டு வாக்குவாதத்தில் ஈடுபட்டுள்ளார்.
பின் வாக்குவாதம் முற்றி ஆத்திரமடைந்த கல்யாணி திடீரென்று யூடியூபர் ஸ்ரீகாந்த் ரெட்டியை கன்னத்தில் அறைந்துள்ளார். இதை சற்றும் எதிர்பார்க்காத யூடியூபர் ஸ்ரீகாந்த் ரெட்டியும் கோபத்தில் கல்யாணியை அறைந்து இருக்கிறார். மேலும், இந்த சண்டையில் ரெட்டியின் சட்டை கிழிந்தது. நடு ரோட்டிலேயே இருவரும் அடித்துக்கொண்டதை அக்கம்பக்கத்தினர் பார்த்து அதிர்ச்சி அடைந்துள்ளனர்.
அதன் பின்னர் யூடியூபர் ஸ்ரீகாந்த் ரெட்டி எஸ்.ஆர்.நகர் நகர் காவல் நிலையத்தில் கல்யாணி மீது புகார் அளித்துள்ளார். அதேபோல கராத்தே கல்யாணியும் தன்னை தாக்கியதாக கூறி ஸ்ரீகாந்த் ரெட்டி மீது போலீசில் புகார் கொடுத்துள்ளார். நடு ரோட்டில் இவர்கள் இருவரும்ஒருவரை ஒருவர் தாக்கிக் கொண்ட வீடியோ சோஷியல் மீடியாவில் வைரலாகி வருகிறது.