'எனக்கு மீண்டும் திருமணமா?': பிக் பாஸ் ரேஷ்மா விளக்கம்

'வேலைனு வந்துட்டா வேலைக்காரன்' படத்தில் இடம் பெற்றிருந்த புஷ்பா புருஷன் என்ற காமெடி மூலம் பிரபலமானவர் ரேஷ்மா. அதைத் தொடர்ந்து பல படங்களில் நடித்து வந்த ரேஷ்மா 2017ம் ஆண்டுக்குப் பிறகு எந்த படத்திலும் நடிக்கவில்லை.

இதையடுத்து ரேஷ்மா கடந்த சில மாதங்களுக்கு முன்பு நடைபெற்ற பிக் பாஸ் நிகழ்ச்சியில் கலந்து கொண்டார். அதில் தனது வாழ்க்கையில் நடந்த பல கசப்பான சம்பவங்கள் குறித்து பகிர்ந்து கொண்டார். ஏற்கனவே இரண்டு முறை திருமணம் நடைபெற்றது என்றும் ஆனால் அது தோல்வியில் சென்று முடிந்ததால், தனது குழந்தைகளுடன் வசித்து வருவதாக தெரிவித்தார்.

பூஜையுடன் தொடங்கியது சரவணா ஸ்டோர்ஸ் அண்ணாச்சி பட ஷூட்டிங்: ஹீரோயின் யார் தெரியுமா?

அவரின் சோக கதையைக் கேட்டு பலரும் கண்ணீர் சிந்தினர். நிகழ்ச்சியில் இருந்து வெளியே வந்தவுடன் ரேஷ்மா, பல்வேறு நிகழ்ச்சிகள், விளம்பர படங்கள் என்று பிசியாக உள்ளார்.

பொம்பளங்கள கேவலப்படுத்தும் ராதாரவியை பாஜகவில் சேர்க்கலாமா?: கொந்தளிக்கும் சின்மயி

சமீபத்தில் ரேஷ்மா தனது நண்பரோடு நெருக்கமாக இருக்கும் புகைப்படத்தை வெளியிட்டார். உடனே ரேஷ்மா மறுமணம் செய்து கொள்ளப் போகிறார் என்று செய்தி பரவ ஆரம்பித்தது.


இந்த நிலையில் இந்த விவகாரம் குறித்து ரேஷ்மா தனது ட்விட்டர் பக்கத்தில், 'எனது தனிப்பட்ட வாழ்க்கை பற்றி வெளிவரும் செய்தி அனைத்துமே பொய்யானது. தயவு செய்து என்னைப் பற்றி தவறான தகவல்களை பரப்ப வேண்டாம். நன்றி' என்று கேட்டுள்ளார். இதன் மூலம் ரேஷ்மாவுக்கு திருமணம் இல்லை என்பது உறுதியாகியுள்ளது.