முதல் முறையாக பிக்பாஸ் வீட்டிற்குள் கால்பதித்த கமல்ஹாசன்

பிரபலங்கள் வந்த பிறகு இதுவரை பிக்பாஸ் வீட்டிற்கு வராத கமல்ஹாசன் முதல் முறையாக பிக்பாஸ் வீட்டிற்குள் அடியெடுத்து வைத்துள்ளார்

கமல்ஹாசன் தொகுத்து வழங்கும் பிக்பாஸ் நிகழ்ச்சி நாளுக்கு நாள் ரசிகர்களின் வரவேற்பை அதிகரித்து வருகிறது. மேலும், பிக்பாஸ் நிகழ்ச்சியின் முதல் சீசன் முடிவுடையும் நிலையில், அடுத்த் சீசனுக்கான பிரபலங்கள் பட்டியல் தற்போது வெளியாகியுள்ளது. ஆனால், இதுதொடர்பான முறையாக அறிவிப்பு இதுவரை வெளியாகவில்லை. பிக்பாஸ் நிகழ்ச்சியில் கடந்த சில நாட்களாக பிரபலங்களின் குடும்பங்கள் வருகை தந்துள்ளனர்.

இதையடுத்து பிக்பாஸ் நிகழ்ச்சியை தொகுத்து வழங்கி வரும் கமல்ஹாசன் முதல் முறையாக பிக்பாஸ் வீட்டிற்குள் கால்பதித்துள்ளார். அவரைக் கண்ட பிரபலங்கள் அவரை கட்டிப்பிடித்து அவருடன் உரையாடியுள்ளனர். மேலும், நேற்று நடந்த கயிறை அவிழ்க்கும் போட்டியில் அவிழ்க்கப்படாமல் இருந்த முடிச்சை தற்போது அவிழ்த்துக் காட்டி பிரபலங்களை ஆச்சரியத்தில் ஆழ்த்தியுள்ளார். ​ இதைத் தொடர்ந்து பிக்பாஸ் நிகழ்ச்சியின் இறுதிப் போட்டிக்கும் செல்லும் முதல் வெற்றி டிக்கெட்டை சினேகனுக்கு வழங்கினார்.

Bigg Boss Tamil: for the first time kamal haasan entered into biggboss house.