தெலுங்கு பிக் பாஸ் போட்டியாளர்கள் யார் யார் விபரம்!?

தெலுங்கு பிக்பாஸ் நிகழ்ச்சியில் கலந்து கொள்ளும் போட்டியாளர்கள் யார் யார் என்ற விபரம் தற்போது வெளியாகியுள்ளது.

பிக் பாஸ் நிகழ்ச்சியை விஜய் டிவியில் நடிகர் கமல்ஹாசன் தமிழில் தொகுத்து வழங்கி வருகிறார். இந்நிகழ்ச்சி 20 நாட்களுக்கும் மேலாக ஒளிபரப்பாகி வருகிறது. நேற்று முதல் தெலுங்கு டிவியான ஸ்டார் மா டிவியில் ஜுனியர் என்டிஆர் தொகுத்து வழங்கி வருகிறார். தமிழ் பிக் பாஸ் நிகழ்ச்சி சென்னைக்கு அருகில் அமைக்கப்பட்டுள்ள மிகப் பிரம்மாண்டமான பிக் பாஸ் அரங்கில் படமாகி வருகிறது. ஆனால், தெலுங்கு பிக் பாஸ் நிகழ்ச்சி புனேவில் படமாக்கப்பட்டு வருகிறது.

இந்த நிகழ்ச்சியில் மொத்தம் 14 போட்டியாளர்கள் கலந்து கொண்டுள்ளார்கள். நடிகர்கள் பிரின்ஸ், தன்ராஜ், சம்பூர்ணேஷ், சமீர், சிவ பாலாஜி, ஆதர்ஷ், நடிகைகள் அர்ச்சனா, முமைத் கான், ஜோதி, ஹரி தேஜா, பாடகி கல்பனா, மதுப்ரியா, திரைப்பட விமர்சகர் மகேஷ் கத்தி, டிவி தொகுப்பாளர் கத்தி கார்த்திகா ஆகியோர் பிக் பாஸ் போட்டியில் உள்ளனர்.

நேற்று நிகழ்ச்சியை ஜுனியர் என்டிஆர் தொகுத்து வழங்கிய ஸ்டைல் ரசிகர்களிடையே மிகப் பெரும் வரவேற்பைப் பெற்றுள்ளது.