செந்திலை ஞாபகப்படுத்திய பிக்பாஸ்: ஸ்பூன்லிங் விளையாட்டு!

பிக்பாஸ் நிகழ்ச்சியில் இன்று காமெடி நடிகர் செந்திலின் ஸ்பூன்லிங் விளையாட்டு நடத்தப்பட்டது.

கமல்ஹாசன் தொகுத்து வழங்கும் “பிக்பாஸ் தமிழ்” நிகழ்ச்சி 10வது நாளாக வெற்றிகரமாக போய்க்கொண்டிருக்கிறது. வழக்கத்திற்கு மாறாக இன்று பிக்பாஸ் நிகழ்ச்சியில் கலந்து கொண்ட ரைசா, ஆர்த்தி, ஓவியாவை வைத்து தொடங்கியது. இதனைத் தொடர்ந்து காமெடி நடிகர் செந்தில் விளையாடும் ஸ்பூன்லிங் கேம் நடத்தப்பட்டது. இதற்காக ஊதா அணி, சிகப்பு அணி மற்றும் பச்சை அணி என்று மூன்றாக பிரிக்கப்பட்டு நடதப்பட்டது.



முதலில் நடந்த ஸ்பூன்லிங் விளையாட்டில் (லெமன் அண்ட் ஸ்பூன்) ஊதா அணியைச் சேர்ந்த கேப்சன் காயத்ரி ரகுராம் முதலிடமும், சிகப்பு அணியில் ஆர்த்தி 2வது இடமும், சக்தி 3வது இடமும் பிடித்தனர். இதையடுத்து ஆண்களுக்கு சாக்குப் போட்டி நடந்தது. இதில், ஊதா அணியில் பரணி முதலிடமும், பச்சை அணியில் ஜூலி 2வது இடமும் பிடித்தனர் என்பது குறிப்பிடத்தக்கது. இந்தப் போட்டியைத் தொடர்ந்து ஒவ்வொரு அணிக்கும் குறும்படம் எடுக்கும் டாஸ்க் கொடுக்கப்பட்டது என்பது குறிப்பிடத்தக்கது.