பிகிலில் விஜய்க்கு டூப் போட்டது இந்த நடிகர் தான்: வைரலாகும் VFX மேக்கிங் வீடியோ

அட்லி இயக்கத்தில் விஜய் இரண்டு ரோல்களில் நடித்து சென்ற வருடம் வெளிவந்த படம் பிகில். இதில் ஒரு ரோலில் விஜய் வயதான ராயப்பன் கதாபாத்திரத்திலும், கால்பந்து வீரராக இருக்கும் அவரது மகன் பிகில் கதாபாத்திரத்திலும் நடித்திருந்தார். இதில் ராயப்பன் கதாப்பாத்திரம் பெரிய அளவில் ரசிகர்ளை கவர்ந்தது.

தீபாவளிக்கு வெளியாகி இருந்த பிகில் படம் பாக்ஸ் ஆபீசில் பிரமாண்ட வசூல் ஈட்டியது. கலவையான விமர்சனங்களை தாண்டி மிகப் பெரிய வசூலை குவித்தது இந்த படம். இந்நிலையில் தற்போது இந்த படத்தில் விஜய் 2 கதாபாத்திரங்களும் ஒன்றாக இருக்கும் படியான காட்சிகளில் அவருக்கு டூப் ஆக நடித்தது யார் என்கிற கேள்விக்கு பதில் கிடைத்திருக்கிறது. படம் வந்து பத்து மாதங்களுக்கு மேல் ஆகும் நிலையில் பிகில் படத்தின் VFX காட்சிகள் உருவானது எப்படி என ஒரு வீடியோ வெளியாகியிருக்கிறது. அதில் இளம் நடிகர் ஸ்ரீராம் என்பவர் நான் விஜய்க்கு டூப் ஆக நடித்திருக்கிறார். அவருக்கு இதன் மூலமாக விஜய் உடன் பணியாற்றும் வாய்ப்பு கிடைத்திருக்கிறது. மேலும் கால்பந்து விளையாடும் காட்சிகளில் விஜய் பாடி டபுல் பயன்படுத்தாமல் தானே நடித்திருக்கிறார். இவ்வளவு அர்ப்பணிப்புடன் விஜய் இருப்பது பற்றியும் பல்வேறு ரசிகர்களும் பாராட்டி பேசி வருகிறார்கள்.


விஜய்யின் டூப் ஆக நடித்துள்ள ஸ்ரீராம் சில புகைப்படங்களை ட்விட்டரில் பதிவிட்டு இருக்கிறார். " பிகில் ஷூட்டிங் நேர நினைவுகள். என் இதயத்தில் எப்போதும் இருக்கும் நினைவுகள். தளபதி உடன் பணியாற்றியது எனக்கு கிடைத்த வரம்" என அவர் குறிப்பிட்டு இருக்கிறார்.


பிகில் படத்தில் விஜய் உடன் நயன்தாரா, யோகி பாபு, இந்துஜா உள்ளிட்ட பலர் நடித்திருந்தார்கள். பெண்கள் கால்பந்து அணிக்கு பயிற்சி அளிக்கும் நபராகத்தான் விஜய் நடித்திருப்பார். அவரது நண்பர் கதிருக்கு காயம் காரணமாக பயிற்சியாளராக தொடர முடியாத சூழ்நிலையில் தான் ஒரு காலத்தில் கால்பந்து வீரராக ஜொலித்த பிகிலை பெண்கள் கால்பந்து அணிக்கு பயிற்சியாளராக நியமிப்பார்கள். அவர்களை விஜய் எவ்வாறு வழிநடத்தினார் என்பது தான் படத்தின் மீதி கதையாக இருக்கும்.

பிகில் படம் முழுக்க முழுக்க கால்பந்தை மையப்படுத்தி எடுக்கப்பட்டு இருந்ததால் அதற்காக ஒரு கால்பந்து மைதானம் போன்ற செட் அமைத்து அதில் தான் அட்லீ ஷூட்டிங்கை நடத்தினார். அதனால் மைதானத்தில் இருக்கும் ரசிகர்கள் கூட்டம் உட்பட அனைத்து காட்சிகளிலும் கிராபிக்ஸ் மூலமாக உருவாக்க வேண்டிய கட்டாயம் ஏற்பட்டது குறிப்பிடத்தக்கது.