பெரிய இடத்து அரசியல் வாரிசுக்கும், எனக்கும் காதலா?: நடிகை விளக்கம்

பாகிஸ்தானை சேர்ந்தவர் நடிகை மெஹ்விஷ் ஹயாத். அவர் தன் வருங்கால கணவர் எப்படி இருக்க வேண்டும் என்று முன்பு பேட்டி ஒன்றில் பேசிய வீடியோ தற்போது வைரலானது. அந்த வீடியோ வைரலானதும் மெஹ்விஷுக்கும், மறைந்த பாகிஸ்தான் முன்னாள் பிரதமர் பெனாசிர் பூட்டோ, முன்னாள் அதிபர் ஆசிப் அலி ஜர்தாரியின் மகன் பிலாவல் பூட்டோவுக்கும் தொடர்பு இருப்பதாக செய்திகள் வெளியாகின.

அந்த செய்தியை பார்த்த மெஹ்ஷிஷ் ட்விட்டரில் கூறியதாவது,

நான் யாரை திருமணம் செய்து கொள்வேன் என்பது என் தனிப்பட்ட முடிவு. அது நடக்கும்போது அனைவருக்கும் தெரிய வரும். ஜோடி சேர்ப்பதை நிறுத்துங்கள். 2 ஆண்டுகளுக்கு முன்பு நான் கொடுத்த பேட்டியில் இருந்து எதையாவது தவறாக புரிந்து கொண்டு தேவையில்லாத தலைப்புகளை உருவாக்க வேண்டாம். வாழ்க்கையில் திருமணம் தவிர்த்து நிறைய கவலை இருக்கிறது என்றார்.

2 ஆண்டுகளுக்கு முன்பு எடுக்கப்பட்ட பேட்டியில் மெஹ்விஷ் ஹயாத்திடம், உங்களுக்கு பிடித்தவரை பார்த்துவிட்டீர்களா என்று கேட்கப்பட்டது. அதற்கு அவர் கூறியதாவது,

உண்மையை சொல்ல வேண்டும் என்றால் நான் அவரை இன்னும் சந்திக்கவில்லை. நான் இளம் வயதில் நடிக்க வந்து எனக்கென்று ஒரு பெயர் எடுத்துள்ளது கூட காரணமாக இருக்கலாம். நான் மெஹ்விஷ் ஹயாத் என்பதால் ஒருவர் என்னை காதலிக்கக் கூடாது. நான் நடிகை என்பதை தாண்டி எனக்காக அவர் இருக்க வேண்டும். யாராவது ஒருவர் அந்த கதவை திறந்து கொண்டு வரலாம். எனக்கு கணவராக வருபவர் நல்ல உயரமாக இருக்க வேண்டும் என்றார்.

மெஹ்விஷ் சொன்னதை கேட்டு அவரை பேட்டி எடுத்தவரோ, பெர்ஃபெக்ட் பேச்சிலர் ஒருவர் இருக்கிறார் என்றார். யார் அந்த பேச்சிலர் என்று கேட்ட மெஹ்விஷ், பிலாவலா என்றார். நான் அவர் பெயரை சொல்லவில்லையே என்று பேட்டி எடுத்தவர் தெரிவித்தார்.

அந்த வீடியோவை பார்த்துவிட்டு தான் மெஹ்விஷுக்கும், பிலாவலுக்கும் இடையே காதல் என்று தற்போது பேச்சு கிளம்பியுள்ளது.

அவர் என் மனைவி, 4 பேருடன் கள்ளத்தொடர்பு: நடிகை பற்றி ஹோட்டல் அதிபர்