பிபாஷா பாசு மருத்துவமனையில் அனுமதி: கலக்கத்தில் பாலிவுட் திரையுலகம்

மூச்சு திணறல் காரணமாக பிரபல பாலிவுட் நடிகை பிபாஷா பாசு மருத்துவமனையில் அனுமதிக்கப்பட்டுள்ளார்.

தமிழில் வெளியான சச்சின் படம் மூலம் தமிழ் ரசிகர்களை கவர்ந்தவர் பிபாஷா பாசு. இவர் பாலிவுட் திரையுலகின் முன்னணி நடிகையாகவும் வலம் வருகிறார்.


திரைப்பட நடிகையாக மட்டுமில்லாமல் யோகா செய்வது, ஜூம்பா செய்வது என உடலை கட்டுகோப்பாக வைக்க தேவையான உடற்பயிற்சிகள் குறித்த வீடியோக்களை தயார் செய்து அதை தொடர்ந்து வெளியிட்டும் வருகிறார்.

பிரபல பாலிவுட் நடிகர் ஜான் ஆப்ரஹிம் உடன் ஏற்பட்ட காதல் முறிவிற்கு பிறகு, 2016ம் ஆண்டில் தொலைக்காட்சி நடிகர் கரண் சிங் குரோவரை கரம் பிடித்தார் பிபாஷா பாசு.

கணவருடன் மும்பையில் வசித்து வந்த இவர், நேற்றிரவு திடீரென்று மருத்துவமனையில் அனுமதிக்கப்பட்டார். தொடர்ந்து இரண்டு நாட்களாக அதே மருத்துவமனையில் அவர் சுவாசக்கோளாறு தொடர்பாக சிகிச்சைக்கு வந்ததாகவும் சொல்லப்படுகிறது.


திடீரென பிபாஷா பாசு, மருத்துவமனையில் அனுமதிக்கப்பட்டதால் பாலிவுட் திரையுலகமே பரபரப்பானது. மேலும் அவரது உடல்நிலை எந்த நிலையில் உள்ளது என்பது தொடர்பான தகவல்களும் வெளிவரவில்லை.


இந்நிலையில் நடிகை பிபஷா பாசு, தனது ட்விட்டர் பக்கத்தில் நுண்ணுயிர் கிருமி தொற்றால் சுவாசக்கோளாறு ஏற்பட்டதாகவும். விரைவில் நலமுடன் வீடு திரும்புவேன் என்று பதிவிட்டுள்ளார்.



பிபாஷா பாசு நலமாக இருப்பதாக அவரே ட்வீட் செய்ததை தொடர்ந்து அவரது உடல்நிலை குறித்து நிலவி வந்த பரபரப்புக்கள் அமைதியானது. தற்போது மருத்துவமனையில் அனுமதிக்கப்பட்டுள்ள நிலையில் இன்ஸ்டாவில் குறும்பாக ஒரு புகைப்படத்தை பதிவிட்டுள்ளார் பிபாஷா பாசு.