'வாரிசு' படம் காப்பியா.?: சந்தேகத்தை கிளப்பிய ப்ளூ சட்டை மாறன்... விளாசும் ரசிகர்கள்.!

நெல்சனின் டாக்டர் படம் வெளியாவதற்கு முன்பே பீஸ்ட் படத்தை பற்றிய அறிவிப்பு வெளியானது. அதன் பிறகு சிவகார்த்திகேயன் நடிப்பில் வெளியான டாக்டர் படம் மிகப்பெரிய ஹிட்டடித்ததால் ரசிகர்கள் மத்தியில் பீஸ்ட் படத்திற்கு மிகப்பெரிய எதிர்பார்ப்பு நிலவியது. இந்நிலையில் கடந்த ஏப்ரல் மாதம் வெளியான இந்தப்படம் ரசிகர்கள் மத்தியில் எதிர்பார்த்த வரவேற்பை பெறவில்லை.

பீஸ்ட் படத்தின் ரிலீசுக்கு முன்பாகவே தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் தளபதி 66' படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது. அதனை தொடர்ந்து அண்மையில் தளபதி 66' படத்தின் படபிடிப்பு பூஜையுடன் துவங்கியது. இந்தப்படத்தில் விஜய்யின் ஜோடியாக ராஷ்மிகா மந்தனா நடிக்கிறார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

சரத்குமார், பிரகாஷ் ராஜ், பிரபு, ஜெய சுதா உள்ளிட்ட நட்சத்திர பட்டாளங்களே 'தளபதி 66' படத்தில் நடிக்கின்றனர். இந்தபடம் குடும்ப பாணியில் உருவாக உள்ளதாக படக்குழுவினர் ஏற்கனவே தெரிவித்துள்ளனர். இதன் படப்பிடிப்பு ஹைதராபாத்தில் உள்ள ராமோஜி ராவ் பிலிம் சிட்டியில் விறுவிறுப்பாக நடைபெற்று வருகிறது.

இந்நிலையில் இதன் பர்ஸ்ட் லுக் போஸ்டர் விஜய் பிறந்தநாளை முன்னிட்டு நேற்றைய தினம் வெளியானது. ஸ்டைலான மாஸ் லுக்குடன் 'வாரிசு' என்ற தலைப்புடன் இந்தப்படத்தின் பர்ஸ்ட் லுக் போஸ்டர் வெளியாகி இணையத்தில் லைக்குகளை குவித்து வருகிறது. ரசிகர்கள் இந்தப்படத்தின் போஸ்டரை கொண்டாடி வரும் நிலையில், 'வாரிசு' படம் பிரென்சு படத்தின் காப்பியா என கேள்வி எழுப்பியுள்ளார் ப்ளு சட்டை மாறன்.

நடிகையிடம் 1 கோடி பேரம் பேசிய பிரபல நடிகர்: வெளியான பரபரப்பு தகவல்.!

இது தொடர்பாக மாறன் தனது ட்விட்டர் பதிவில், "சக்திவாய்ந்த கோடீஸ்வரர் கொல்லப்பட்டவுடன் அவரால் ரகசியமாக தத்தெடுத்து வளர்க்கப்பட்ட மகன், தனது சட்டப்பூர்வமாக உரிமையை நிரூபிக்க தனது தந்தையின் கொலையாளிகளை கண்டுபிடித்து, அவரது தொழில் சாம்ராஜ்ஜியத்தை அபகரிக்க விடாமல் தடுப்பதுதான் கதை. வாரிசு இதன் அதிகாரப்பூர்வ ரீமேக் படமா? அல்லது தழுவலா அல்லது காப்பியா?" என்று கேள்வி எழுப்பி இருக்கிறார்.


இதனையடுத்து விஜய் ரசிகர்கள் பலரும் மாறனை விளாசி வருகின்றனர். ஒரு பர்ஸ்ட் லுக் போஸ்டரை வைத்து முழு படத்தின் கதையையும் எப்படி முடிவு செய்யலாம் என்றும் மாறனை வறுத்தெடுத்து வருகின்றனர். 'வாரிசு' படம் அடுத்தாண்டு பொங்கலுக்கு வெளியாகவுள்ளது குறிப்பிடத்தக்கது.