‘சீறும் புலிகள்’ படத்தில் பிரபாகரனாக நடிக்கும் பாபி சிம்ஹா!

தமிழ் சினிமாவில் தற்போது மறைந்த முக்கிய தலைவர்கள் மற்றும் பிரபலங்களின் வாழ்க்கை வரலாறு படமாக்கப்பட்டு வருகிறது. அந்த வரிசையில் எம்.ஜி.ஆர், ஜெயலலிதா, கருணாநிதி ஆகியோரின் வாழ்க்கை வரலாறு படங்களாக எடுக்க முயற்சிகள் நடந்து வருகின்றன. மறைந்த சாவித்ரியின் வாழ்ககை வரலாறு படம் வெளியாகியுள்ளது.

இந்நிலையில் விடுதலைப்புலிகள் இயக்கத்தின் தலைவர் வேலுப்பிள்ளை பிரபாகரனின் வாழ்க்கையும் படமாக உருவாக இருக்கிறது. இந்த படத்தில் பிரபாகரனின் இளம் வயது வாழ்க்கை, குடும்பம், போராளியாக அவர் மாறிய சூழ்நிலை, சிங்கள இராணுவத்துக்கும் விடுதலைப் புலிகளுக்கும் நடந்த போர் என்று அனைத்தையும், இதில் காட்சிபடுத்துகின்றனர். இந்தப் படத்தை ஸ்டூடியோ 18 என்ற நிறுவனம் தயாரிக்கிறது.

இந்தப் படத்தில் நடிகர் பாபி சிம்ஹா, பிரபாகரனாக நடிக்கிறார். இந்தப் படத்திற்கு ‘சீறும் புலிகள்’ என தலைப்பு வைத்துள்ளனர். இந்த படத்தை மறைந்த இயக்குனர் பாலு மகேந்திராவிடம் உதவி இயக்குனராக இருந்த ஜி.வெங்கடேஷ் குமார் இயக்குகிறார்.